ဂွ ဧပြီ ၃
ရခိုင်ပြည်နယ်၊ ဂွမြို့နယ်တွင် ၁၃၈၅(၂၀၂၄)ခုနှစ် အစိုးရပါဠိပထမပြန် စာမေးပွဲ(ကြီး၊ လတ်၊ ငယ်၊ မူ)တန်းများကို ရတနာသိဒ္ဓိသာသနာ့ဗိမာန်တော်ကြီးတွင် ယနေ့၊ မွန်းတည့်(၁၂)နာရီမှစ၍ ကျင်းပဆောင်ရွက်လျက်ရှိသည်။
အဆိုပါ အစိုးရပါဠိပထမပြန်စာမေးပွဲတွင် မြို့နယ်အတွင်းရှိဒွေမာတိကာဘာသာရပ်ကိုပထမကြီးတန်းဖြေဆိုရန်စာရင်းရှိ သံဃာတော် ၂ ပါးအနက် ဝင်ရောက်ဖြေဆိုသံဃာ၁ပါး၊ ဒွေမာတိကာဘာသာရပ်ကို ပထမလတ်တန်းဖြေဆိုရန်စာရင်းရှိ သံဃာတော် ၅ပါးအနက် ဝင်ရောက်ဖြေဆိုသံဃာ၅ပါး၊ဘိက္ခုပါတိမောက်ဘာသာရပ်ကို ပထမငယ်တန်းဖြေဆိုရန်စာရင်းရှိ သံဃာတော် ၂ ပါးအနက် ဝင်ရောက်ဖြေဆိုသံဃာ၂ပါး၊ ဝိနည်းကျင့်ဝတ်ဘာသာရပ်ကို အစိုးရမူလတန်းဖြေဆိုရန်စာရင်းရှိ သံဃာတော် ၁၆ ပါးအနက် ဝင်ရောက်ဖြေဆိုသံဃာ၈ပါးတို့က ဝင်ရောက်ဖြေဆိုလျက်ရှိကြသည်။
ထိုသို့ အစိုးရပထမပြန်စာမေးပွဲကျင်းပနေစဥ်တွင် မြို့နယ်သံဃာ့နာယက ဥက္ကဋ္ဌဆရာတော်နှင့် ဆရာတော်ကြီးများက ကြီးကြပ်တော်မူခဲ့ကြပြီး မြို့နယ်သံဃာ့နာယက ဥက္ကဋ္ဌဆရာတော်နှင့်ကြီးကြပ်ဆရာတော်ကြီးများ၊ စာဖြေသံဃာတော်များအား ခမရ(၅၆၂)အခြေပြု ဗျူဟာမှူး(ယာယီ)ဗိုလ်မှူးကြီးစောနောင်နှင့် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇာနည်ကျော်နှင့် စီမံအုပ်ချုပ်ရေးအဖွဲ့ဝင်များက လှူဖွယ်ဝတ္ထုငွေများနှင့် အချိုရည်များဆက်ကပ် လှူဒါန်းပေးခဲ့ကြောင်း သတင်းရရှိသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment