ရွှေတောင် ဧပြီ ၁၇
ပဲခူးတိုင်းဒေသကြီး၊ ပြည်ခရိုင်၊ရွှေတောင်မြို့နယ်၊ မြို့နယ်စီမံအုပ်ချုပ်ရေးအဖွဲ့ဥက္ကဌဦးဟံဝင်းအောင် ၏ကြီးကြပ်မှုဖြင့် မြို့နယ်စီမံအုပ်ချုပ်ရေးအဖွဲ့ဥက္ကဌနှင့်အဖွဲ့ဝင်များ၊အထွေထွေအုပ်ချုပ်ရေးဦးစီးဌာနမှဝန်ထမ်းများ၊မြို့နယ်အဆင့်ဌာနဆိုင်ရာများ၊မြို့နယ်မိခင်နှင့်ကလေး စောင့်ရှောက်ရေးအသင်းဥက္ကဌနှင့်အဖွဲ့ဝင်များ၊မြို့နယ်အမျိုးသမီးရေးရာ အဖွဲ့ဝင်များ၊မြို့မိမြို့ဖများ၊ရပ်ကွက်အုပ်ချုပ်ရေးမှူးများနှင့် အဖွဲ့ဝင်များ၊ လူမှုရေးအဖွဲ့အစည်းများက ယနေ့ နံနက်ပိုင်းက ဇီဝိတဒါန ငါးလွှတ်ကုသိုလ်မင်္ဂလာနှင့် သက်ကြီးဘိုးဘွားများအားပူဇော်ကန်တော့ခဲ့ကြသည်။
အဆိုပါ ဇီဝိတဒါန ငါးလွှတ်ကုသိုလ်မင်္ဂလာနှင့် သက်ကြီးဘိုးဘွားများအားပူဇော်ကန်တော့များပြုလုပ်ရာတွင် ယွန်းတန်းရပ်ကွက် ၊ကမ်းနားတန်းလမ်းရှိ ( မြေထိန်းနံရံ) ဧရာဝတီမြစ်ကမ်းဘေး ဇီဝိတဒါန ငါးလွှတ်ကုသိုလ်မင်္ဂလာ ကျင်းပရာ ငါးကောင်ရေ( ငါးကြင်းရွှေဝါ၊ ငါးခုံးမ၊ ငါးမြစ်ချင်း) (၁၀၀၀၀) ကို ဧရာဝတီမြစ်အတွင်း လွှတ်ပေးခဲ့သည်။
ယင်းနောက် ကြို့ကုန်းကျေးရွာအုပ်စု၊ ကြို့ကုန်းကျေးရွာ ဘိုးဘွားရိပ်သာရှိ ဘိုးဘွား (၁၇)ဦး နှင့် ရွှေတောင်မြို့နယ် ၊ ရပ်ကွက်( ၃)ရပ်ကွက်ရှိ သက်ကြီးဘိုးဘွား ( ၁၅) ဦးတို့အား တစ်ဦးလျှင်အလှူငွေ ( ၂၅၀၀၀ိ/-)ကျပ်ဖြင့် တန်ဖိုးငွေ (၈၀၀၀၀၀ိ/-) ကျပ်နှင့် သွားတိုက်ဆေး၊ ဆပ်ပြာ၊ ပရုပ်ဆီ၊ အစာကြေဆေး၊ ချောင်းဆိုးပျောက်ဆေး၊ သွေးဆေး၊ ပါရာစီတမာ့၊မိုင်လိုတို့အားပူဇော်ကန်တော့ခဲ့ကြကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment