နယူးဒေလီ၊ ဧပြီ ၁၉
အာဆီယံ-နယူးဒေလီကော်မတီ (ANDC) ၏ အစီအစဉ်ဖြင့် နယူးဒေလီမြို့အခြေစိုက် အာဆီယံ အဖွဲ့ဝင်နိုင်ငံ သံအမတ်ကြီးများသည် အိန္ဒိယပြည်ပရေးရာဝန်ကြီးဌာန၊ Secretary (East) အဖြစ် မကြာသေးမီက စတင်တာဝန်ထမ်းဆောင်ခဲ့သည့် H.E. Shri Jaideep Mazumdar အား ၁၉-၄-၂၀၂၄ ရက်နေ့က နေ့လယ်စာဖြင့် တည်ခင်းဧည့်ခံခဲ့ရာ အိန္ဒိယနိုင်ငံဆိုင်ရာ မြန်မာသံအမတ်ကြီး ဦးမိုးကျော်အောင် တက်ရောက်ခဲ့ပါသည်။
နေ့လယ်စာစားပွဲတွင် အာဆီယံအဖွဲ့ဝင်နိုင်ငံ သံအမတ်ကြီးများနှင့် H.E. Shri Jaideep Mazumdar တို့သည် အာဆီယံနှင့် အိန္ဒိယ ဆက်ဆံရေး တိုးတက်ကောင်းမွန်စေမည့် အလားအလာကောင်းများ၊ အာဆီယံ-အိန္ဒိယ ကုန်သွယ်ရေး၊ စီးပွားရေး၊ ကူးလူးဆက်သွယ်ရေး နှင့် ပူးပေါင်းဆောင်ရွက်မှုများ တိုးမြှင့်ဆောင်ရွက်သွားနိုင်ရေး ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြကြောင်း သိရှိရပါသည်။
#News
No comments:
Post a Comment