ဘီးလင်း၊ မေ ၂၈
မိုးရွာသွန်းမှုကြောင့် ရန်ကုန်-မော်လမြိုင်ကားလမ်းမပေါ်ရှိ မစောတံတား မြေသားလမ်းလွှဲ ဖြတ်သန်းရန် ခက်ခဲနေပြီး ယာဉ်ကြီး၊ ယာဉ်ငယ်များ ရပ်နားထားရကာ လမ်းပိတ်နေကြောင်း ဒေသခံများထံမှ သိရသည်။
မေလ ၂၈ ရက်နေ့ နံနက် ၉ နာရီခွဲအချိန့်ခန့်က မြေသားလမ်းလွှဲတွင် ဖြတ်သန်းရန် ခက်ခဲနေသောကြောင့် ခဏရပ်နားထားရကြောင်း ဒေသခံတစ်ဦးက ပြောသည်။
"ကားတွေကို ပေးမဖြတ်ဘူး။ ပြန်လှည့်ခိုင်းနေတယ်။ ဒါပေမယ့် စောင့်နေကြတုန်းပဲ။ ပေးဖြတ်မယ့်အချိန် ဖြတ်ကြမှာပေါ့"ဟု ၎င်းက ပြောသည်။
သထုံမြို့နယ်၊ သုဝဏ္ဏဝတီမြို့၊ နောင်ဘိုကျေးရွာအကောင်းကြိုက်ကဖီးအနီး ရန်ကုန်-မော်လမြိုင်သွားကားလမ်းမပေါ်တွင်လည်း ယာဉ်ကြီးများရပ်တန့်နေလျက်ရှိကြောင်း၊ မော်လမြိုင်-ရန်ကုန်သို့ သွားလာကြမည့် ခရီးသွားများအနေဖြင့် စုံစမ်းမေးမြန်းပြီးမှ သွားလာကြရန် အသိပေးထားသည်။
ရန်ကုန်-မော်လမြိုင်ကားလမ်းမပေါ်ရှိ မစောတံတားကို KNLA/PDF အကြမ်းဖက်အဖွဲ့များက မိုင်းခွဲဖျက်ဆီးခဲ့ခြင်းကြောင့် ခရီးသွားပြည်သူများ အခက်ကြုံနေရခြင်း ဖြစ်သည်။
Crd - Yarmanya Times
Join - https://t.me/MyanmarNationalPost
No comments:
Post a Comment