ရွှေတောင် ၊ မေ ၂၀
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် ၊ နွားမယံကျေးရွာအုပ်စု၊ ပုရပိုက်တန်း (ရွာဟောင်း)
ကွင်းအမှတ် ( ၄၀၈ )၊ ရွာဟောင်းကွင်း ၊ ဦးပိုင်အမှတ် (၄၆/၁)၊ တောင်သူ ဦးကျော်ဌေး၏ နွေစပါးစိုက်လယ်မြေတွင် နွေစပါး (ဗီယက်နမ် ဆဖိုးသာ) စပါးမျိုး (၄.၉၄) ဧက၌ ရိတ်သိမ်းခြွေလှေ့စက်ဖြင့်ယမန် နေ့နံနက်ပိုင်းက နွေစပါး စံကွက်ရိတ်သိမ်းခဲ့ကြောင်းသိရသည်။
အဆိုပါနွေစပါးစိုက်ခင်း စပါးခြွေလှေ့စက်ဖြင့် ရိတ်သိမ်း၍ စံနှုန်းတိုင်းတာခြင်း၊ အထွက်နှုန်း ချိန်တွယ် တိုင်းတာခြင်းများ ဆောင်ရွက်ခဲ့ရာ စံကွက်( ၆၆) ပေပတ်လည် ( ၀.၁၀) ဧကကွက်ရိတ်သိမ်းရာတွင် အထွက်နှုန်း အစိုတင်း (၁၇၃ဒဿမ၀၄) တင်း ထွက်ရှိကြောင်းသိရသည်။
နွေစပါးစံကွက်ရိတ်သိမ်းရာသို့ပြည်ခရိုင် စီမံအုပ်ချုပ်ရေးအဖွဲ့ဥက္ကဌ ၊( ခရိုင်စိုက်ပျိုးရေးမွေးမြူရေးကြီးကြပ်မှုကော်မတီ) ဥက္ကဌဦးသိန်းအောင်နှင့်အဖွဲ့ဝင်များ၊ ခရိုင်စိုက်ပျိုးရေးမွေးမြူရေးကြီးကြပ်မှုကော်မတီပါဌာနဆိုင်ရာအကြီးအကဲများ၊ ရွှေတောင်မြို့နယ် စီမံအုပ်ချုပ်ရေးအဖွဲ့ဥက္ကဌ ၊( မြို့နယ် စိုက်ပျိုးရေးမွေးမြူရေးကြီးကြပ်မှုကော်မတီ) ဥက္ကဌဦးဟံဝင်းအောင်နှင့် အဖွဲ့ဝင်များ၊ မြို့နယ် စိုက်ပျိုးရေးမွေးမြူရေးကြီးကြပ်မှုကော်မတီပါဌာနဆိုင်ရာအကြီးအကဲများ၊ စိုက်ပျိုးရေးဦးစီးဌာန ၊ မြို့နယ်ဦးစီးမှူးနှင့် ဝန်ထမ်းများ၊မြေစာရင်းဦးစီးဌာန မြို့နယ်ဦးစီးမှူးနှင့်ဝန်ထမ်းများ၊နွားမယံကျေးရွာအုပ်စု၊ ဆည်ကြီးကုန်းကျေးရွာအုပ်စု၊ ကသစ်တိုင်းကျေးရွာအုပ်စုများရှိအုပ်ချုပ်ရေးမှူးများနှင့် တောင်သူများ က ကြည့်ရှုအားပေးခဲ့ကြသည်။
ရွှေတောင်မြို့နယ် အနေဖြင့်ယခုနှစ်နွေစပါးလျာထားဧက ( ၁၉၂၇) တွင် စိုက်ဧက ( ၂၅၇၉) စိုက်ပျိုးနိုင်ခဲ့ပြီး လျာထားဧကထက် ( ၆၅၂) ဧကကျော်လွန် စိုက်ပျိုး နိုင်ခဲ့ရာ ဗီယက်နမ် စပါးမျိုးနှင့် ရတနာတိုးစပါးမျိုးများ စိုက်ပျိုးခဲ့ကြသည်။ မြို့နယ်အတွင်း နွေစပါးစိုက်တောင်သူများ တစ်ဧက အထွက်နှုန်း ကောင်းမွန်စေရန်အတွက် စိုက်ပျိုးရေးဦးစီးဌာနမှ စပါးမျိုးကောင်းမျိုးသန့်များ ဖြန့်ဖြူးခြင်းနှင့် စိုက်မျိုးရေးနည်းပညာများ ကူညီပံ့ပိုးမှုများ ဆောင်ရွက်ပေးခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment