ကော့ကရိတ် ၊ မေ ၁၂
ကရင်ပြည်နယ်၊ ကော့ကရိတ်မြို့တွင် အကြမ်းဖက်သောင်းကျန်းသူများသည် ရပ်ကွက်/ကျေးရွာများသို့ အတင်းအဓမ္မဝင်ရောက်ပြီး တိုက်ပွဲဖော်ဆောင်ခဲ့သည်အတွက် ဒေသခံပြည်သူများသည် ဘေးလွတ်ရာဒေသများသို့ ယာယီပြောင်းရွေ့နေထိုင်ခဲ့ကြရာမှ ယခုအခါ နယ်မြေအေးချမ်းတည်ငြိမ်လာပြီဖြစ်သည့်အတွက် မြို့တွင်းသို့ နေစဥ်ပြန်လည်ဝင်ရောက်နေထိုင်လျက်ရှိရာ ၄င်းပြည်သူများ နေထိုင်မှုနှင့် လျှပ်စစ်မီးများ အဆင်ပြေသုံးစွဲနိုင်ရေးအတွက် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ စည်ပင်သာယာရေးအဖွဲ့မှ ဝန်ထမ်းများ၊ လျှပ်စစ်ဓတ်အားဖြန့်ဖြူးရေးလုပ်ငန်းမှ ဝန်ထမ်းများက သစ်ပင်သစ်ကိုင်းများ ခုတ်ထွင်ရှင်းလင်းခြင်း၊ ဓါတ်မီးတိုင်နှင့် လျှပ်စစ်ကြိုးများ ရှင်းလင်းသွယ်တန်းခြင်းတိုကို နေ့စဥ်ဆောင်ရွက်ပေးလျက်ရှိကြောင်း သိရသည်။
ထိုသို့ဖွံ့ဖြိုးရေးလုပ်ငန်းများဆောင်ရွက်လျက်ရှိရာ ယမန်နေ့နံနက်ပိုင်းတွင် စစ်ဗျူဟာမှူး ဗိုလ်မှူးကြီး ဟိန်းထက်ဇော်၊ ကေ့ာကရိတ်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးထွန်းဝေ၊ ခရိုင်ရဲရုံးမှ ဒုရဲမှူးကြီး မင်းခန့်တို့သည် အမှတ် (၆)ရပ်ကွက်ရှိ အ.ထ.က(၂) ကျောင်းဝင်းတွင် တပ်ရင်းတပ်ဖွဲ့များ၊ ဌာနဆိုင်ရာများ စုပေါင်းသန့်ရှင်းရေးဆောင်ရွက်ခြင်းနှင့် ပြည်သူ့ဆေးရုံသို့ ရောက်ရှိနေသည့် ဆရာဝန်/ဆရာမ များအား စားသောက်ကုန်ပစ္စည်းများ ထောက်ပံ့ပေးအပ်ခြင်း၊ ဆေးရုံသို့တက်ရောက်ကုသနေသည့် လူနာများအား လှည့်လည်ကြည့်ရှု့၍ လိုအပ်သည်များကို ဆွေးနွေးခဲ့ကြသည်။
ထိုနောက် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးထွန်းဝေနှင့် တာဝန်ရှိသူများသည် အမှတ်(၄)ရပ်ကွက် တောင်ပေါ်ကျောင်းတိုက်ရှိ လက်နက်ကြီးထိမှန်မှုကြောင့် ပျက်စီးနေသည့်ကျောင်းဆောင်အမိုးများ ပြုပြင်ဆောင်ရွက်နေမှု၊ ဇိနသုခလောကသရဖူစေတီတော်ဝန်းအတွင်းတွင် ပြန်လည်ဝင်ရောက်လာကြသည့် စစ်ဘေးရှောင်ပြည်သူများအတွက် ယင်လုံအိမ်သာဆောက်လုပ်နေမှု၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် ဝန်ထမ်းများမှ ပြန်လည်ဝင်ရောက်လာသည့် စစ်ဘေးရှောင်အိမ်ထောင်စုစာရင်းများ ကောက်ယူခြင်း၊ ကယ်ဆယ်ရေးပစ္စည်းများထောက်ပံ့ပေးမှုနှင့် မြို့မစျေးတွင် စားသောက်ကုန်များ ရောင်းချနေမှုအခြေအနေတို့ကို ကြည့်ရှု့စစ်ဆေးခဲ့ပြီး လိုအပ်သည်များကို တာဝန်ရှိသူများနှင့် ဆွေးနွေးညှိနှိုင်း ဆောင်ရွက်ခဲ့ကြောင်း သိရသည်။
ခင်မျိုးဝင်း
https://t.me/MyanmarNationalPost
No comments:
Post a Comment