ရွှေတောင်မြို့နယ်တွင် ရုတ်တရက် လေပြင်းတိုက်ခတ်ပြီး မိုးရွာသွန်းမှုကြောင့် ကုက္ကိုလ်ပင် ကိုင်းဖျားကျိုးကျမှုနှင့် လူနေအိမ်(၄၁) လုံး ပြိုကျခဲ့ပြီး လူနေအိမ်(၂၁၀) လုံးနှင့် ဘုန်းကြီးကျောင်း( ၅) ကျောင်း အမိုးလန်ပျက်စီး

 

ရွှေတောင်  ၊  မေ   ၁၀

ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်အတွင်း ယမန်နေ့ ညနေ ၄း၁၅နာရီ အချိန်ခန့် က ရုတ်တရက် လေပြင်းတိုက်ခတ်ပြီး မိုးရွာသွန်းမှုကြောင့် ကုက္ကိုလ်ပင် ကိုင်းဖျားကျိုးကျမှုနှင့် ရွှေတောင်မြို့နယ်အတွင်းရှိ ရပ်ကွက်နှင့် ကျေးရွာအုပ်စုများတွင် လူနေအိမ်(၄၁) လုံး ပြိုကျခဲ့ပြီး လူနေအိမ်(၂၁၀) လုံး ဘုန်းကြီးကျောင်း ( ၅) ကျောင်း အမိုးလန်ပျက်စီးခဲ့ကြောင်းသိရသည်။

       ရုတ်တရက် လေပြင်းတိုက်ခတ်ပြီး မိုးရွာသွန်းမှုကြောင့် မင်းကွန်းကျေးရွာအုပ်စု၊ မင်းကွန်းကျေးရွာရှိ ကုက္ကိုလ်ပင် ကိုင်းဖျားကျိုးကျမှုကြောင့် ခေတ္တ လမ်းပိတ်ဆို့မှုဖြစ်ပွားခဲ့ရာ အဆိုပါ နေရာသို့ မြို့နယ်စီမံအုပ်ချုပ်ရေးအဖွဲ့ဥက္ကဌ၏ကြီးကြပ်မှုဖြင့် မြို့နယ်မီးသတ်တပ်ဖွဲ့ဝင်များ၊ လူမှုရေးအသင်းအဖွဲ့များ၊ရပ်ကွက်/ ကျေးရွာအုပ်စု အုပ်ချုပ်ရေးမှူး များနှင့်အဖွဲ့ဝင်များက ဝိုင်းဝန်းရှင်းလင်းဆောင်ရွက်ခဲ့ကြသည်။လေပြင်းတိုက်ခတ်ပြီး မိုးရွာသွန်းမှုကြောင့် ကြာနီကန်ရပ်ကွက်ရှိ လူနေအိမ်  ( ၇)လုံးအမိုးလန်၊ ယွန်းတန်းရပ်ကွက်ရှိ နေအိမ်  ( ၁)လုံးအမိုးလန်၊ ကျီးသဲအုပ်စုရှိ ကျေးရွာ( ၆)ရွာတွင်လူနေအိမ်  ( ၁၄)လုံး ၊ ဘုန်းကြီးကျောင်း ( ၁) ကျောင်း အမိုးလန်၊ နွားခြံကုန်းအုပ်စုရှိကျေးရွာ( ၂)ရွာတွင်နေအိမ်  ( ၁)လုံးအမိုးလန်၊လူနေအိမ်  ( ၁)လုံး ပြိုကျပျက်စီး၊ ကျောင်းကုန်းအုပ်စုရှိကျေးရွာ( ၈)ရွာတွင်လူနေအိမ်  ( ၇)လုံး အမိုးလန်၊လူနေအိမ်  ( ၁)လုံး ပြိုကျပျက်စီး၊ ကသစ်တိုင်းအုပ်စုရှိကျေးရွာ( ၆)ရွာတွင်လူနေအိမ်  ( ၃၁)လုံး၊ ဘုန်းကြီးကျောင်း ( ၃) ကျောင်း အမိုးလန်၊လူနေအိမ်  ( ၈)လုံး ပြိုကျပျက်စီး၊ ဒုရင်ဒုဘိုအုပ်စုရှိကျေးရွာ( ၂)ရွာတွင်လူနေအိမ်  ( ၉)လုံး အမိုးလန်၊လူနေအိမ်  ( ၁)လုံး ပြိုကျပျက်စီး၊ မင်းကွန်းအုပ်စုရှိကျေးရွာ( ၂)ရွာတွင်လူနေအိမ်  ( ၃)လုံး အမိုးလန်၊ မဲတောအုပ်စုရှိကျေးရွာ( ၁)ရွာတွင်လူနေအိမ်  ( ၁)လုံး အမိုးလန်၊လူနေအိမ်  ( ၁)လုံး ပြိုကျပျက်စီး၊ သရက်သုံးပင်တောအုပ်စုရှိကျေးရွာ(၂)ရွာတွင်လူနေအိမ်  ( ၆)လုံး အမိုးလန်၊လူနေအိမ်  ( ၁)လုံး ပြိုကျပျက်စီး၊ဝါးတောအုပ်စုရှိကျေးရွာ(၇)ရွာတွင်လူနေအိမ်  ( ၂၇)လုံး အမိုးလန်၊လူနေအိမ်  ( ၂)လုံး ပြိုကျပျက်စီး၊ကျွန်းကလေးအုပ်စုရှိကျေးရွာ(၂)ရွာတွင်လူနေအိမ်  ( ၁၁)လုံး အမိုးလန်၊လူနေအိမ်  ( ၅)လုံး ပြိုကျပျက်စီး၊မယားမာန်အုပ်စုရှိကျေးရွာ(၂)ရွာတွင်လူနေအိမ်  ( ၂)လုံး အမိုးလန်၊ ကျောက်မြင့် အုပ်စုရှိကျေးရွာ(၆)ရွာတွင်လူနေအိမ်  ( ၁၃)လုံး အမိုးလန်၊ကံသုံးဆင့်အုပ်စုရှိကျေးရွာ(၃)ရွာတွင်လူနေအိမ်  ( ၃)လုံးအမိုးလန်၊ ကျောက်ထရံအုပ်စုရှိကျေးရွာ(၁)ရွာတွင်လူနေအိမ်  ( ၁)လုံး အမိုးလန်၊လူနေအိမ်  ( ၁)လုံး ပြိုကျပျက်စီး၊ အိုးထိမ်းကုန်အုပ်စုရှိကျေးရွာ(၃)ရွာတွင်လူနေအိမ်  ( ၅)လုံး အမိုးလန်၊လူနေအိမ်  ( ၁)လုံး ပြိုကျပျက်စီး၊ တည်ကုန်းကြီးအုပ်စုရှိကျေးရွာ(၁)ရွာတွင်လူနေအိမ်  ( ၉)လုံး အမိုးလန်၊ ကြို့ကုန်းအုပ်စုရှိကျေးရွာ(၁)ရွာတွင်လူနေအိမ်  ( ၃)လုံး အမိုးလန်၊ မီးလောင်အုပ်စုရှိကျေးရွာ(၅)ရွာတွင်လူနေအိမ်       ( ၅)လုံး ဘုန်းကြီးကျောင်း ( ၁) ကျောင်းအမိုးလန်၊လူနေအိမ်  ( ၂၃)လုံး ပြိုကျပျက်စီး၊ ရှားပင်ဇင်းအုပ်စုရှိကျေးရွာ(၂)ရွာတွင်လူနေအိမ်  ( ၄)လုံး အမိုးလန်၊နေအိမ်  ( ၁)လုံး ပြိုကျပျက်စီး၊ ဇီးကျွန်းအုပ်စုရှိကျေးရွာ(၆)ရွာတွင်လူနေအိမ်  ( ၁၅)လုံး အမိုးလန်၊နေအိမ်  ( ၃)လုံး ပြိုကျပျက်စီး၊ ညောင်စာရေး အုပ်စုရှိကျေးရွာ(၁)ရွာတွင်လူနေအိမ်  ( ၆)လုံး အမိုးလန်၊ရှားတိုင်းအုပ်စုရှိကျေးရွာ(၃)ရွာတွင်လူနေအိမ်  ( ၃)လုံး အမိုးလန်၊ ဆည်ကြီးကုန်းအုပ်စုရှိကျေးရွာ(၂)ရွာတွင်လူနေအိမ်  ( ၂)လုံး အမိုးလန်ပျက်စီးခဲ့ကြောင်း သိရသည်။

          အဆိုပါ လေဘေးသင့်၍ ပြိုကျ/အမိုးလန်ခဲ့သည့် လူနေအိမ်များရှိ အိမ်ထောင်စုများအား ယာယီနေထိုင်နိုင်ရေး၊ အမြန်ဆုံးပြုပြင်နိုင်ရေးအတွက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဟံဝင်းအောင်၏ ကြီးကြပ်မှုဖြင့် သက်ဆိုင်ရာကျေးရွာ အုပ်စုအုပ်ချုပ်ရေးမှူးရုံးမှ လိုအပ်သည်များ ဆောင်ရွက်ပေးလျက်ရှိပြီး လေပြင်းတိုက်ခတ်မှုကြောင့် လူနှင့်တိရစ္ဆာန်များ တစ်စုံတစ်ရာ ထိခိုက်ဒဏ်ရရှိမှုမရှိကြောင်း သိရသည်။

  

ကိုကိုမင်း

https://t.me/MyanmarNationalPost