ကံမ ၊ မေ ၂၄
မကွေးတိုင်းဒေသကြီး၊ သရက်ခရိုင်၊ ကံမမြို့၌ မြန်မာသက္ကရာဇ် ၁၃၈၆ ခုနှစ် ကဆုန်လပြည့် (ဗုဒ္ဓနေ့) မေ ၂၂ ရက်နေ့ ညနေ ၄ နာရီက မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် မြို့လုံးကျွတ် ဆွမ်းဆန်တော်လောင်းလှူပွဲနှင့် ညောင်ရေသွန်းပွဲတော်ကို စည်ကားသိုက်မြိုက်စွာ ကျင်းပပြုလုပ်ခဲ့သည်။
ထိုသို့ဆွမ်းဆန်တော်လောင်းလှူရာတွင် ဆရာတော် သံဃာတော်(၁၀၅)ပါးတို့သည် အမှတ်(၄) ရပ်ကွက်၊ အောင်သိဒ္ဓိကန်လည်ဘုရားမှစတင်၍ မြို့ပေါ်ရပ်ကွက်များသို့ အလှူခံကြွချီတော်မူကြရာ မြို့နယ်စီမံအုပ်ချုပ်ရေးအဖွဲ့ဥက္ကနှင့် အဖွဲ့ဝင်များ၊ ဌာနဆိုင်ရာဝန်ထမ်းများ၊ မြို့မိမြို့ဖများ၊ မြို့ပေါ်ရပ်ကွက်များရှိ ပြည်သူများက ဆွမ်းဆန်တော်များကို လောင်းလှူခဲ့ကြသည်။ မြို့ပေါ်ရပ်ကွက်များရှိ စေတီပုထိုးများ၌လည်း ညောင်ရေသွန်းပွဲများကို ကျင်းပရာ စတုဒီသာမုန့်များဖြင့် ကျွေးမွေးဧည့်ခံခဲ့ကြကြောင်း သိရသည်။
ကျော်ဇေယျဝင်း(ကံမ)
https://t.me/MyanmarNationalPost
No comments:
Post a Comment