နေပြည်တော်၊ မေ ၁၉
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ မေလ ၁၇ ရက်နေ့ (၁၄ ၀၀) အချိန် ပုသိမ်ကြီးမြို့နယ်၊ ပုသိမ်လေးကျေးရွာ၊ မန္တလေး - မတ္တရာသွား ကားလမ်းတွင် စောထွန်းအောင်(ခ)ကံကောင်း မောင်းနှင်လာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ၎င်းထံမှ စိတ်ကြွရူးသွပ်ဆေးပြား ၆၀၀ ပြား(ဒေသကာလပေါက်ဈေးတန်ဖိုးငွေကျပ် ၁၂ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ပြီး ကွင်းဆက်ဖော်ထုတ်ချက်အရ ၁၅၀၀ အချိန် အဆိုပါ စိတ်ကြွရူးသွပ်ဆေးပြားများရောင်းချသူ မခင်မာစီး(ခ)အမီနာ အား ပြည်ကြီးတံခွန်မြို့နယ်၊ တောင်မြင့်ကျေးရွာရှိ ၎င်း၏နေအိမ်တွင် လက်ကိုင်ဖုန်း ၁ လုံးနှင့် လည်းကောင်း၊ ၁၈၀၀ အချိန် မမိုးသူ အား ချမ်းမြသာစည်မြို့နယ်၊ သိုးခြံရပ်ကွက်၊ ၆၀(B)လမ်း၊ ၁၁၂ x ၁၁၂(A)လမ်းကြားရှိ ၎င်း၏နေအိမ်အတွင်းမှ စိတ်ကြွရူးသွပ်ဆေးပြား ၄၁၈၀ ပြား (ဒေသကာလပေါက်ဈေးတန်ဖိုးငွေကျပ် ၈၃.၆ သိန်း)နှင့် လက်ကိုင်ဖုန်း ၂ လုံးတို့အား လည်းကောင်း ထပ်မံတွေ့ရှိသိမ်းဆည်းရမိခဲ့သဖြင့် စောထွန်းအောင်(ခ)ကံကောင်း(၃၈)နှစ်၊ မခင်မာစီး(ခ)အမီနာ(၆၂)နှစ် နှင့် မမိုးသူ(၅၀)နှစ်တို့အား သက်ဆိုင်ရာရဲစခန်းများတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။
Join - https://t.me/MyanmarNationalPost
No comments:
Post a Comment