နတ်မောက် ၊ မေ ၂၇
မကွေးတိုင်းဒေသကြီး နတ်မောက်မြို့နယ် စည်ပင်သာယာရေးအဖွဲ့မှ အမှုဆောင်အရာရှိ၏ ဦးဆောင်ကြီးကြပ်မှုဖြင့် ယမန်နေ့နံနက်ပိုင်းက မြို့မဈေးအတွင်း/အပြင်ဘက် ကျူးကျော်၍ ဈေးရောင်းချမှုမရှိစေရေးနှင့် အများသုံးသန့်စင်ခန်းများ သန့်ရှင်းမှုရှိ/မရှိ ကွင်းဆင်းဆောင်ရွက်ခဲ့ကြောင်း သိရသည်။ မြို့နယ်စည်ပင်သာယာရေးအဖွဲ့သည် မြို့မဈေး အတွင်း/အပြင် ဆိုင်ခန်းရှင်များအား ကျူးကျော်တည်ခင်းရောင်းချမှုမရှိစေရေး၊ ပျံကျဈေးရောင်းချမှုများအား စည်းကမ်းနှင့်အညီ စနစ်တကျ သတ်မှတ်ထားသည့်နေရာများတွင် ရောင်းချစေရေး၊ ပွင့်လင်းရာသီရောက်ရှိလာပြီဖြစ်တဲ့အတွက် ဈေးအတွင်း/အပြင် မီးဘေးလုံခြုံရေးအတွက် ဆောင်ရွက်ထားရှိမှုအခြေအနေနှင့် နေ့စဉ် မိမိတို့၏ ဆိုင်ခန်းများမှ အမှိုက်များ စနစ်တကျစွန့်ပစ်မှုအခြေအနေများကို ကြည့်ရှုစစ်ဆေးခဲ့သည်။ ထို့နောက် အများသုံးသန့်စင်ခန်းများ သန့်ရှင်းသပ်ရပ်စွာ ဆောင်ရွက်ထားရှိမှု ရှိ/မရှိ အခြေအနေများကို အမှုဆောင်အရာရှိ၊ တာဝန်ခံအင်ဂျင်နီယာနှင့် ဈေးတာဝန်ခံတို့မှ ကွင်းဆင်းစစ်ဆေးဆောင်ရွက်ခဲ့ကြကြောင်း သိရသည်။
မူမူစန်း
https://t.me/MyanmarNationalPost
No comments:
Post a Comment