သထုံ၊ မေ ၁၅
မွန်ပြည်နယ်၊ သထုံမြို့နယ်၊ ရေဝေကျေးရွာဆိုင်းဘုတ်အနီးတွင် KNU/PDF အကြမ်းဖက်သမားများက Drop Bomb ဖြင့် တိုက်ခိုက်မှုကြောင့် ခရီးသည်ယာဉ်ငယ် ၁စီး မီးလောင်မှုဖြစ်ပွားခဲ့ကြောင်း သိရသည်။
ယနေ့ (မေလ ၁၅ ရက်နေ့ နေ့လည် ၁နာရီ ၁၅ မိနစ်) အချိန်ခန့်က KNU/PDF တပ်ဖွဲ့များမှ ဒရုန်းဗုံးဖြင့် တိုက်ခိုက်ခဲ့ရာ ဒရုန်းဗုံးတစ်လုံးမှာ ရန်ကုန်-မော်လမြိုင်ကားလမ်းမမှ သထုံမြို့နယ်၊ ဒုံဝန်းကျေးရွာသို့သွားသည့်လမ်းသွယ်၊ ရေဝေကျေးရွာ ဆိုင်းဘုတ်အနီးတွင် ရပ်ထားသော ယာဉ်ပေါ်သို့ ကျရောက်ပေါက်ကွဲခဲ့ခြင်းဖြစ်သည်။
အဆိုပါယာဉ်မှာ ပြည်မြို့နေ အသက် ၄၀ နှစ်အရွယ် ဦးအာကာမြင့် မောင်းနှင်သော ရန်ကုန်-မြဝတီ ပြေးဆွဲသည့် ပြည့်အားမာန် ယာဉ်လိုင်းမှ HIGER အမျိူးအစား အဖြူရောင်(အန်စာတုံး)ယာဉ်ဖြစ်ပြီး ဒရုန်းဗုံးတစ်လုံးမှာ ကားပေါ်ကျရောက်ပေါက်ကွဲခဲ့ပြီး တစ်လုံးမှာ ကားရပ်ထားသည့် နေရာ မြောက်ဘက်သို့ ကျရောက်ပေါက်ကွဲခဲ့သည်။
ဒရုန်းကျရောက်ပေါက်ကွဲမှုကြောင့် ယာဉ်မှာ မီးလောင်သွားခဲ့ပြီး အနီးနားရှိ ဒေသခံများ၊ ယာဉ်မောင်းများနှင့် ခရီးသွားများမှ ဝိုင်းဝန်းငြိမ်းသတ်ခဲ့ကြရာ လူထိခိုက်မှု မရှိကြောင်း သိရသည်။
Crd - ရာမညတိုမ်း(တိုမ်း)
Photo: Ministry of Foreign Affairs of Japan
No comments:
Post a Comment