ဒဂုံတောင်၊ ဇွန် ၄
ပညာရေးဝန်ကြီးဌာန၊ အဆင့်မြင့်ပညာဦးစီးဌာန၊ ရန်ကုန်စီးပွားရေးတက္ကသိုလ်(ရွာသာကြီး)၏ နေ့သင်တန်းများကို ယမန်နေ့ နံနက်ပိုင်းမှ စတင်ဖွင့်လှစ်သင်ကြားလျက်ရှိရာ ကျောင်းသား/ ကျောင်းသူများ အေးချမ်းပျော်ရွှင်စွာ ပညာသင်ကြားလျက်ရှိကြောင်း သိရသည်။
ရန်ကုန်စီးပွားရေးတက္ကသိုလ်(ရွာသာကြီး)၏ ၂၀၂၃-၂၀၂၄ ပညာသင်နှစ် ဒုတိယနှစ်ဝက် ပညာသင်ကာလနှင့် ၂၀၂၄-၂၀၂၅ ပညာသင်နှစ် ပထမနှစ်ဝက် ပညာသင်ကာလ နေ့သင်တန်းများကိုဖွင့်လှစ်ရာ ကျောင်းသား/ကျောင်းသူများ အေးချမ်းပျော်ရွင်စွာ ပညာသင်ကြားလျက်ရှိကြသည်။
ရန်ကုန်စီးပွားရေးတက္ကသိုလ်(ရွာသာကြီး)၌ ဘွဲ့ကြို့၊ ဘွဲ့လွန်သင်တန်းများကို သင်ကြားပြသသော ဘောဂဗေဒဘာသာရပ်၊ ပြည်သူ့ရေးရာစီမံခန့်ခွဲမှုပညာ၊ စာရင်းအင်းပညာ၊ အသုံးချစာရင်းအင်းပညာ၊ ဝါဏိဇ္ဇဗေဒ၊ စာရင်းကိုင်ပညာ၊ စီးပွားရေးလုပ်ငန်းစီမံခန့်ခွဲမှုပညာ၊ ဖွံ့ဖြိုးရေးပညာ၊ အာမခံသိပ္ပံပညာများဖြစ်သည့် အထူးပြုဘာသာရပ်(၉)ခုတွင် သက်ဆိုင်ရာဘာသာရပ်အလိုက် အတန်းအသီးသီးသို့ ကျောင်းတက်ရန်လာရောက်ကြသည့် ကျောင်းသား/ကျောင်းသူများ အဆင်ပြေချောမွေ့စေရေး ပါမောက္ခချုပ်၊ ဒုတိယပါမောက္ခချုပ်များ၊ ပါမောက္ခများ၊ ဌာနမှူးများ၊ ဆရာ၊ဆရာမများကလိုအပ်သည်များ ကူညီဆောင်ရွက်ပေးကြောင်း သိရသည်။
သန်းသန်းအေး
Join - https://t.me/MyanmarNationalPost
No comments:
Post a Comment