ကော့သောင်း၊ ဇွန် ၁၇
ကျန်းမာရေးဝန်ကြီးဌာနသည် နိုင်ငံသားများ၏ အခြေခံလူမှုစီးပွားဘဝများ တိုးတက်စေရန် အတွက် လူတိုင်းကျန်းမာရေးကောင်းမွန်စေရန်နှင့် ကျန်းမာရေးစောင့်ရှောက်မှုများ တိုးတက်အောင်ဆောင်ရွက်လျက်ရှိရာ လုပ်ငန်းစဉ်တစ်ရပ်အဖြစ် အထူးကုဘာသာရပ်ဆိုင်ရာ ကုသမှုများကို ပြည်သူများလက်လှမ်းမီရရှိနိုင်ရန်အတွက် ကျန်းမာရေးဝန်ကြီးဌာန၏ စီစဉ်လမ်းညွှန်မှုဖြင့် တနင်္သာရီတိုင်းဒေသကြီး၊ ကော့သောင်းမြို့ပြည်သူ့ဆေးရုံကြီးတွင် ရန်ကုန်မျက်စိအထူးကုသဆေးရုံကြီးမှ မျက်စိအထူးကုဆရာဝန်ကြီးများနှင့် မျက်စိအထူးကု ဆေးကုရေးအဖွဲ့တို့သည် ဇွန်လ (၁၀) ရက်နေ့မှ (၁၉) ရက်နေ့ထိ မျက်စိရောဂါဝေဒနာ ခံစားနေရသော ဒေသခံပြည်သူများအား လိုအပ်သောစမ်းသပ်စစ်ဆေးမှု၊ ဆေးကုသပေးမှုများနှင့် ခွဲစိပ်ကုသမှုများ ဆောင်ရွက်ပေးလျက်ရှိသည်။
တနင်္သာရီတိုင်းဒေသကြီး၊ လူမှုရေးရာဝန်ကြီး ဦးသက်နိုင်သည် ယမန်နေ့နံနက်ပိုင်းက မျက်စိအထူးကု ဆေးကုသမှုဆောင်ရွက်ပေးလျက်ရှိသော ကော့သောင်းမြို့ ပြည်သူ့ဆေးရုံကြီးသို့ သွားရောက်၍ ရန်ကုန်မျက်စိအထူးကုသဆေးရုံကြီးမှ မျက်စိအထူးကုဆရာဝန်ကြီးများ၊ မျက်စိအထူးကုဆေးကုရေးအဖွဲ့များ၊ တာဝန်ရှိသူများအား တွေ့ဆုံအားပေးစကားပြောကြား၍ အမှတ်တရလက်ဆောင်များပေးအပ်ခဲ့ပြီး မျက်စိခွဲစိပ်မှုခံယူပြီးသူများအား ရင်းနှီးစွာ လိုက်လံနှုတ်ဆက်အားပေးစကားပြောကြားပြီး မျက်မှန်များနှင့် စားသောက်ဖွယ်ရာများ ပေးအပ်ခဲ့ကြောင်း သိရသည်။
Join - https://t.me/MyanmarNationalPost
No comments:
Post a Comment