မိုင်းခုတ် ၊ ဇွန် ၂၄
ရှမ်းပြည်နယ်(အရှေ့ပိုင်း)၊ မိုင်းဆတ်ခရိုင်၊ မိုင်းခုတ်မြို့၌ မြို့သစ်တောဦးစီးဌာနမှ ကြီးမှူးကျင်းပသော ၂၀၂၄ ခုနှစ်၊ မိုးရာသီစုပေါင်းသစ်ပင်စိုက်ပွဲတော်ကို ယမန်နေ့နံနက်(၀၈:၀၀) နာရီအချိန်က အမှတ်(၂)ရပ်ကွက်၊ အထွေထွေအုပ်ချုပ်ရေးဦးစီးဌာန ရုံးဝန်းအတွင်းရှိ သတ်မှတ်နေရာများတွင် စုပေါင်းသစ်ပင်စိုက်ပျိုးခဲ့ကြောင်း သိရသည်။
ရှေးဦးစွာ နယ်မြေခံတပ်နယ် တပ်နယ်မှူးဒုတိယဗိုလ်မှူးကြီး သိန်းဇော်မိုးမှ အမှတ်(၂)ရပ်ကွက် အုပ်ချုပ်ရေးမှူး ဦးကွက်ရှဲန်အားလည်းကောင်း၊ နယ်မြေခံတပ်နယ်မှ ဒု-တပ်ရင်းမှူး ဗိုလ်မှူးဝင်းမြင့်ဌေးမှ အမှတ်(၁)ရပ်ကွက်အုပ်ချုပ်ရေးမှူး ဦးစိုင်းရွက်အားလည်းကောင်း၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအားလွန်မှ စစ်မှုထမ်းဟောင်းအဖွဲ့ဝင် ဦးမြင့်ဆွေအား လည်းကောင်း၊ မြို့နယ်သစ်တောဦးစီးဌာနမှ မြို့နယ်ဦးစီးဌာနမှူး ဦးသန်းနိုင်မှ အမျိုးသမီးရေးရာအဖွဲ့ဝင် ဒေါ်နန်းနွမ်းအားလည်းကောင်း၊ မြို့နယ်လူဝင်မှုကြီးကြပ်ရေးနှင့်ပြည်သူ့အင်အား ဦးစီးဌာန ဦးစီးအရာရှိ ဦးဝင်းသိန်းမှ ဒေသခံလားဟူတိုင်းရင်းသား ဦးကျရှောအားလည်းကောင်းပျိုးပင်များ အသီးသီးပေးအပ်ခဲ့ကြသည်။
ဆက်လက်၍နယ်မြေခံတပ်နယ်မှ ဒုဗိုလ်မှူးကြီး သိန်းဇော်မိုးနှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအားလွန်၊ ဌာနဆိုင်ရာတာဝန်ရှိသူများ၊ဒေသခံ ပြည်သူများနှင့် ကျောင်းသား၊ ကျောင်းသူတို့က ကျွန်းပျိုးပင်(၂၅၀)ပင်၊ ပျဥ်းကတိုးပျိုးပင်(၈၀)ပင်၊ ပိတောက်ပျိုးပင်(၅၀)ပင်၊ မန်ဂျန်ရှား(၅၀)ပင်၊ မယ်ဇလီပျိုးပင်(၅၀)ပင်နှင့် စိန်ပန်းနီပျိုးပင်(၂၀)ပင်၊ စုစုပေါင်း(၅၀၀)ပင်တို့ကို သတ်မှတ်နေရာများတွင်စိုက်ပျိုးခဲ့ကြပြီး မြို့သစ်တော ဦးစီးဌာနမှ နံနက်စာအဖြစ် လ္ဘက်ရည်၊ မုန့်များဖြင့် ဧည့်ခံပေးခဲ့သည်။
သဘာဝပတ်ဝန်းကျင်စိမ်းလန်းစိုပြည်စေရန်၊ သဘာဝတောများကောင်းမွန်စေရန်၊ သစ်တောပြုန်းတီးမှုကြောင့်ကြုံတွေ့ရသည့် သဘာဝဘေးအန္တရာယ်နှင့် ရာသီဥတုအပူဒဏ် ကာကွယ်နိုင်ရန်၊ ရေတိုက်စားမှုကြောင့် ပျက်စီးဆုံးရှုံးသည့် သဘာဝတောများ ပြန်လည်ကောင်းမွန်စေရန်နှင့် မြေအောက်ရေခမ်းခြောက်မှုမှ ကာကွယ်ရန်စသည်တို့ကို ရည်ရွယ်၍ စိုက်ပျိုးခဲ့ခြင်းဖြစ်ကြောင်း သိရသည်။
သီတာအေး
https://t.me/MyanmarNationalPost
No comments:
Post a Comment