ရွှေတောင် ၊ ဇူလိုင် ၈
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် အားကစားနှင့်လူငယ်ရေးရာဝန်ကြီးဌာန၊ အားကစားနှင့်ကာယပညာဦးစီးဌာန ၊မြို့နယ်အားကစားခန်းမတွင် ယမန်နေ့ နံနက်ပိုင်းကမြို့နယ်အမျိုးသမီးရေးရာအဖွဲ့မှကြီးမှူး၍ ကိုယ်လုံပညာနှင့်ဓားသိုင်းသင်တန်းဖွင့်လှစ်ခဲ့သည်။
သင်တန်းတွင် မြို့နယ်အမျိုးသမီး ရေးရာအဖွဲ့ ဥက္ကဌ ဒေါ်နန်းမြအေးက ကိုယ်ခံပညာများ တတ်မြောက်ထားခြင်းဖြင့် အမျိုးသမီးငယ်များအန္တရာယ်များကို မိမိကိုယ်တိုင်ခုခံ ကာကွယ်စောင့် ရှောက်နိုင်စေရန်နှင့် ကိုယ်ခန္ဓာကြံ့ခိုင်သန်စွမ်းလာ စေရန်ရည်ရွယ်၍ ဖွင့်လှစ်ခြင်းဖြစ်ကြောင်းပြောကြားခဲ့သည်။ ဆက်လက်၍ အားကစားနှင့်ကာယပညာဦးစီးဌာန ဦးစီးမှူး ဒေါ်ခင်နုနုဖြိုး၏ ကြီးကြပ်မှုဖြင့် နည်းပြနည်းစနစ်မှူးဒေါ်သပြေနှင့် သင်တန်းနည်းပြ ( ၂) ဦးတို့က ကိုယ်လုံပညာ (၆၃) ဘောင်းနှင့် ဓားသိုင်းအခြေခံတို့အားလက်တွေ့ပြသသင်ကြားပေးခဲ့သည်။
အဆိုပါ သင်တန်းသို့ မြို့နယ်အမျိုးသမီးရေးရာအဖွဲ့ ဥက္ကဌ ဒေါ်နန်းမြအေးနှင့် အဖွဲ့ဝင်များ၊မြို့နယ်အထွေထွေအုပ်ချုပ်ရေးဦးစီးဌာနဝန်ထမ်းများနှင့် သင်တန်းသား သင်တန်းသူ (၅၀) ဦးတက်ရောက်ခဲ့ပြီး သင်တန်းကာလ (၂) ရက် သင်ကြားသွားမည်ဖြစ်ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment