အထက်မင်းလှ ၊ ဇူလိုင် ၄
မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်တွင် ၂၀၂၄ ခုနှစ် ဇူလိုင်(၃)ရက်နေ့တွင် ကျရောက်ခဲ့သည့် မြန်မာအမျိုးသမီးများနေ့ကိုဂုဏ်ပြုသောအားဖြင့် မြို့နယ်အမျိုးသမီးရေးရာအဖွဲ့မှ သွေးလှူဒါန်းခြင်းကို ယမန်နေ့နံနက်(၉)နာရီခွဲက မြို့နယ်ပြည်သူ့ဆေးရုံတွင်ဆောင်ရွက်ခဲ့သည်။
မင်းလှမြို့၌ မြန်မာအမျိုးသမီးများနေ့အထိမ်းအမှတ်သွေးလှူဒါန်းရာတွင် မြို့နယ်အမျိုးသမီးရေးရာ အဖွဲ့မှအဖွဲ့ဝင်တစ်ဦးက သွေးလိုအပ်နေသည့်လူနာတစ်ဦးအတွက် လှူဒါန်းပေးခဲ့ရာ မြို့နယ်အမျိုးသမီးရေးရာအဖွဲ့ဥက္ကဋ္ဌဒေါ်ငယ်ငယ်အောင်နှင့်အဖွဲ့ဝင်များက သွေးလှူဒါန်းပေးသူအမျိုးသမီးရေးရာအဖွဲ့ဝင်အား ဖီးကြမ်းငှက်ပျော(၁)ဖီး၊ ကြက်ဥ(၁၀)လုံး၊ ကယ်လ်ဆမ်ကွေကာတစ်ပါကင်(၁)ထုပ်၊ အားဖြည့်အချိုရည်များ ထောက်ပံ့ပေးခဲ့သည်။ ထို့ပြင် ပြည်သူ့ဆေးရုံတွင် ကလေးမီးဖွားနေသူကလေးမိခင်(၂)ဦးအား တစ်ဦးလျှင် ဖီးကြမ်းငှက်ပျော(၁)ဖီး၊ ကြက်ဥ(၁၀)လုံး၊ ကယ်လ်ဆမ်ကွေကာတစ်ပါကင်(၁)ထုပ်တို့အား ထောက်ပံ့ပေးခဲ့ပြီး ကလေးမိခင်များအား ကြည့်ရှုအားပေးစကားပြောကြားခဲ့ကြောင်း သိရသည်။
ဇာဇာ(အထက်မင်းလှ)
https://t.me/MyanmarNationalPost
No comments:
Post a Comment