ရွှေဘိုမြို့နယ်၊​ ကျောက်​မြောင်းမြို့ ယာယီရေဝင်ပြောင်းရွှေ့အိမ်ထောင်စုများအား ဆန်ရိက္ခာများ ထောက်ပံ့ပေးအပ်

​ရွှေဘို၊ ဇူလိုင် ၁၆

ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ ​ရွှေဘိုမြို့နယ်၊ ​ကျောက်​မြောင်းမြို့ အမှတ်(၁)ရပ်ကွက် ​ရွှေဂွန်နှင့်မ​ခေါက်​ကျေးရွာ၊ အမှတ်(၁)၊ အမှတ်(၄)ရပ်ကွက်တို့ရှိ ယာယီရေဝင်ပြောင်းရွှေ့ အိမ်ထောင်စုများအား ဆန်ရိက္ခာဖိုးထောက်ပံ့ငွေများ ပေးအပ်ခြင်းကိုယမန်​နေ့ မွန်းလွဲပိုင်းက မြို့နယ်အ​ထွေ​ထွေအုပ်ချုပ်​ရေးဦးစီးဌာန အစည်းအ​ဝေးခန်းမတွင် ကျင်းပသည်။

ထိုသို့ထောက်ပံ့ငွေများပေးအပ်ရာတွင် ​ရွှေဘိုမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦး​ဇော်မျိုးဝင်းနှင့် ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန ဦးစီးအရာရှိ​ဒေါ်​ချောစုနှင့် တာဝန်ရှိသူများက ဧရာဝတီမြစ်ရေ မြင့်တက်လာမှုကြောင့် ဇူလိုင်လ(၁၁)ရက်နေ့အထိ စာရင်းရှိ ယာယီရေဝင် ပြောင်းရွှေ့အိမ်ထောင်စုပေါင်း (၃၈၇)စု၊ လူဦးရေပေါင်း(၁၆၃၃)ဦးတို့အား တစ်ဦးလျှင်ဆန်ရိက္ခာ ထောက်ပံ့ငွေ(၁)ပတ်စာ စုစုပေါင်း ငွေကျပ်(၃၄၂၉၃၀၀)တို့အား ထောက်ပံ့ပေးအပ်ခဲ့​ကြောင်း သိရသည်။

Join - https://t.me/MyanmarNationalPost