အစ္စရေးလေတပ်သည် ဂါဇာကမ်းမြောင်ဒေသရှိ ပစ်မှတ် ၆၀ ကို တိုက်ခိုက်ခဲ့ကြောင်း ထုတ်ပြန်

တဲလ်အဗွီ၊ သြဂုတ် ၉

အစ္စရေးလေတပ်သည် လွန်ခဲ့သည့် ၂၄ နာရီအတွင်း ဂါဇာကမ်းမြှောင်တစ်လျှောက်ရှိ ပစ်မှတ် ၆၀ ခန့်ကို တိုက်ခိုက်မှုများ ပြုလုပ်ခဲ့ကြောင်း အစ္စရေးကာကွယ်ရေးတပ်ဖွဲ့ (IDF) ၏ သတင်းထုတ်ပြန်ရေးရုံးက ယနေ့ ထုတ်ပြန်ခဲ့သည်။

ပစ်မှတ်များထဲတွင် အကြမ်းဖက်သမားများ လုပ်ဆောင်သည့် စစ်ရေး အမာခံနယ်မြေများအပြင် အကြမ်းဖက် အဆောက်အအုံများနှင့် လက်နက်တိုက်များ ဖြစ်သည်ဟု IDF ၏ သတင်း ထုတ်ပြန်ချက်အရ သိရသည်။

ထို့အပြင် အစ္စရေးမြေပြင်တပ်ဖွဲ့များသည် ဂါဇာကမ်းမြှောင်တောင်ဘက်ခြမ်းရှိ Rafah ဧရိယာတွင် ၎င်းတို့၏ စစ်ဆင်ရေးများကို ဆက်လက်လုပ်ဆောင်နေပြီး လွန်ခဲ့သည့်နေ့တွင် အဆိုပါဒေသတွင် "တိုက်ပွဲများ၊ လေကြောင်းတိုက်ခိုက်မှုများ၊ တင့်ကားများနှင့် မော်တာပစ်ခတ်မှုများ" တို့ကို ဆက်လက်လုပ်ဆောင်ခဲ့သည်။ ၎င်းတို့သည် “ဒါဇင်ပေါင်းများစွာသော အကြမ်းဖက်သမားများကို ဖျက်ဆီးခဲ့သည်” ဟု ထပ်လောင်းပြောကြားခဲ့သည်။

သောကြာနေ့ အစောပိုင်းတွင် အစ္စရေးစစ်တပ်သည် ပါလက်စတိုင်းနယ်မြေ၏ တောင်ဘက်ခြမ်းရှိ Khan Younis မြို့အနီးတွင် စစ်ဆင်ရေးတစ်ခုကို စတင်ခဲ့သည်။ “လက်ရှိတွင် တပ်မ ၉၈ သည် အဆိုပါဒေသရှိ အကြမ်းဖက်ပစ်မှတ်များကို နှိမ်နင်းလျက်ရှိသည်” ဟု သတင်းထုတ်ပြန်ချက်တွင် ဖော်ပြထားသည်။

Ref - TASS

#MyanmarNationalPost