သဲကုန်း ၊စက်တင်ဘာ ၂၁
ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ်မိခင်နှင့်ကလေးကျန်းမာရေးစောင့်ရှောက်ရေးအသင်းနှင့် မြို့နယ်တိုင်းရင်းဆေးဦးစီးဌာနတို့ပူးပေါင်း၍ လူတိုင်းသက်တမ်းစေ့ အသက်ရှည်စွာနေနိုင်ရေးနှင့် ရောဂါဘယကင်းစေရေးဟူသော ရည်မှန်းချက်များဖြင့် ယမန်နေ့ မွန်းလွဲ (၂) နာရီအချိန်က အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် တိုင်းရင်းဆေးအကြောင်း သိကောင်းစရာဟောပြောပွဲ ကျင်းပပြုလုပ်ခဲ့သည်။
ရှေးဦးစွာ မြို့နယ်မိခင်နှင့် ကလေးကျန်းမာရေးစောင့်ရှောက်ရေးအသင်းဥက္ကဋ္ဌ ဒေါ်လှလှရွှေက အဖွင့်အမှာစကားပြောကြားပြီးမြို့နယ်တိုင်းရင်းဆေးဦးစီးဌာန မြို့နယ်တိုင်းရင်းဆေးမှူး ဒေါ်အေးအေးမော်က တိုင်းရင်းဆေးအကြောင်း သိကောင်းစရာများ၊ တစ်ကိုယ်ရည် သန့်ရှင်းကျန်းမာရေးနှင့်၊ သက်ရှည်ကျန်းမာအောင်စားသောက်နေထိုင်နည်းစသည့် အကြောင်းအရာများ၊ မီးဖိုချောင်သုံးပစ္စည်းများ၏ ဆေးဖက်ဝင်ပုံများ၊ မိုးရာသီတွင် ခြင်ပေါက်ပွားမှုကြောင့် ဖြစ်ပွားတတ်သော သွေးလွန်တုပ်ကွေးရောဂါကာကွယ်ရန်နည်းလမ်းများ၊ မိုးရာသီတွင်ဖြစ်ပွားတက်သောဝမ်းလျှော/ ဝမ်းပျက်ရောဂါများနှင့်ပတ်သက်သည့် လက္ခဏာများနှင့် ကာကွယ်ရမည့် နည်းလမ်းများအား အသိပညာပေးဟောပြောခဲ့ကြောင်း သိရသည်။
https://t.me/MyanmarNationalPost
No comments:
Post a Comment