မြောက်ကိုရီးယားက ရေတပ်စခန်းသစ် တည်ဆောက်နေ

မြောက်ကိုရီးယားခေါင်းဆောင် ကင်ဂျုံအန်းသည် ခေတ်မီရေတပ်အခြေစိုက်စခန်းသစ် တည်ဆောက်ရေးနေရာသို့ သွားရောက်ခဲ့ပြီး နိုင်ငံ၏ ရေကြောင်းတပ်ဖွဲ့များ ပိုမိုဖွံ့ဖြိုးတိုးတက်လာစေရန် ကတိပြုခဲ့သည်။ အဆောက်အအုံအသစ်၏ တည်နေရာသည် ပြုံယမ်းအား ဗျူဟာမြောက်အသာစီးရစေမည်ဖြစ်ကြောင်း ၎င်းက ပြောကြားခဲ့သည်။

ပြီးခဲ့သည့်နှစ်နှောင်းပိုင်းတွင် ကင်ဂျုံအန်းသည် အမေရိကန်နှင့် ၎င်း၏ ဒေသတွင်းမဟာမိတ်နိုင်ငံအား ထိပ်တိုက်ရင်ဆိုင်မှုအဖြစ် သတ်မှတ်ထားသည့် မကြုံစဖူးသော လုပ်ရပ်များကို ရင်ဆိုင်ရချိန်တွင် မြောက်ကိုရီးယား၏ စစ်ရေးနှင့် လက်နက်ထုတ်လုပ်သည့်လုပ်ငန်းကို ပိုမိုအရှိန်မြှင့်ရန် အမိန့်ပေးခဲ့သည်။

နောက်ပိုင်းတွင် ဒုံးကျည်စမ်းသပ်မှုများကို အရှိန်အဟုန်မြှင့်ခဲ့ပြီး အခြားလက်နက်များတွင် ဒုံးပစ်လောင်ချာမျိုးစုံနှင့် ကာမီကာဇေးဒရုန်းအသစ်များကိုလည်း ထုတ်ဖော်ပြသခဲ့သည်။

တနင်္ဂနွေနေ့တွင် နိုင်ငံပိုင်(KCNA) သတင်းဌာနမှ ကင်ဂျုံအွန်၏ ဆိပ်ကမ်းတည်ဆောက်ရေး လုပ်ငန်းခွင်အား စစ်ဆေးကြည့်ရှုခဲ့ကြောင်း ဖော်ပြခဲ့သည်။ 

နိုင်ငံ၏ ရေတပ်အခြေစိုက်စခန်းအဖြစ် ဆောင်ရွက်မည့် ခေတ်မီဆိပ်ကမ်းမြို့ကိုလည်း တည်ဆောက်ရန် အစီအစဉ်ရှိကြောင်း ထုတ်ဖော်ပြောကြားခဲ့သည်။

အမေရိကန်၊ တောင်ကိုရီးယားနှင့် ဂျပန်တို့က မြောက်ကိုရီးယားအား ၎င်း၏ ဒုံးကျည်စမ်းသပ်မှုနှင့် အခြားအင်အားပြသမှုများဖြင့် ဒေသတွင်း တင်းမာမှုများကို မလိုအပ်ဘဲ အရှိန်မြှင့်နေသည်ဟု အကြိမ်ကြိမ် စွပ်စွဲခဲ့သည်။ တစ်ဖန် ပြုံယမ်းက ၎င်း၏ စစ်ရေးအစီအစဉ်များသည် သဘာဝအတိုင်း တင်းကြပ်စွာ ခုခံကာကွယ်ထားပြီး ဖြစ်နိုင်ချေရှိသော နိုင်ငံခြားရန်လိုမှုများကို ကာကွယ်ရန် ရည်ရွယ်ထားကြောင်း အခိုင်အမာ ပြောကြားခဲ့သည်။

အမေရိကန်-တောင်ကိုရီးယားနှင့် အမေရိကန်-ဂျပန် စစ်ရေးလေ့ကျင့်မှုတွင် အမေရိကန်-နျူကလီးယားစွမ်းအင်သုံး ရေငုပ်သင်္ဘောများနှင့် နျူကလီးယားသုံး ဗုံးကြဲလေယာဉ်များ ပါဝင်သည့် ပူးတွဲစစ်ရေးလေ့ကျင့်မှုများ အကြိမ်ကြိမ်အခါခါ လုပ်ဆောင်ခဲ့ခြင်းကို မြောက်ကိုရီးယားဘက်က တုန့်ပြန်လေ့ရှိသည်။

Ref - RT

Join - https://t.me/MyanmarNationalPost