ရွှေတောင် ၊ အောက်တိုဘာ- ၆
ပဲခူးတိုင်းဒေသကြီး၊ ပြည်ခရိုင်၊ ရွှေတောင် မြို့နယ်တွင် မြို့နယ်အဆင့် ၂၀၂၄-ခုနှစ်၊ ကမ္ဘာ့ဆရာများနေ့ World Teachers’ Day အထိမ်းအမှတ်အခမ်းအနားကို ယမန်နေ့နံနက်ပိုင်းက အ.ထ.က ( ရွှေတောင်) ရတနာခန်းမ၌ ကျင်းပပြုလုပ်ခဲ့သည်။
ကမ္ဘာ့ဆရာများနေ့အခမ်းအနားကို ဆရာ၊ဆရာမများက "မြတ်ဆရာ"သီချင်း သီဆိုဖွင့်လှစ်ပေးခဲ့ကြသည်။ အခမ်းအနားတွင် မြို့နယ်ပညာရေးမှူး ဦးကျော်ဦးက ကမ္ဘာ့ဆရာများနေ့အထိမ်းအမှတ်နှင့်ပတ်သက်၍ အဖွင့်အမှာစကားပြောကြားပြီး ဖိတ်ကြားထားသည့် အငြိမ်းစား ဆရာကြီး၊ဆရာမကြီးများအား ပူဇော်ကန်တော့၍ ကန်တော့လက်ဆောင်ပစ္စည်းများဖြင့်ပူဇော်ကန်တော့ခဲ့ကြသည်။
ဆက်လက်၍ ဆရာ၊ဆရာမများက "ကမ္ဘာမြေပေါ်ကမြတ်ဆရာ "သီချင်းဖြင့် ဂုဏ်ပြုသီဆိုပြီး အခမ်းအနားကို ရုတ်သိမ်းခဲ့ကြောင်းသိရသည်။
ကိုကိုမင်း
https://t.me/MyanmarNationalPost
https://t.me/MyanmarNationalPost
No comments:
Post a Comment