ရန်ကုန်၊ အောက်တိုဘာလ ၂
၂၀၂၄ခုနှစ်၊ ဇူလိုင်လအတွင်း ရေကြီးနစ်မြုပ်မှုကြောင့်ပျက်စီးဆုံးရှုံးခဲ့သည့် ငါးမွေးကန်များရှိတောင်သူများအား ငါးသားပေါက်များထောက်ပံ့ပေးအပ်ခြင်းကို ယမန်နေ့က ရန်ကုန်တိုင်းဒေသကြီး၊ ထန်းတပင်မြို့နယ်၊ စံကင်းကြီးကျေးရွာအုပ်စု၊ စံကင်းကြီးကျေးရွာတွင် ကျင်းပပြုလုပ်ခဲ့ရာ အခမ်းအနားသို့ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းနှင့်တိုင်းဒေသကြီးအစိုးရအဖွဲ့ဝင် ဝန်ကြီးများ တက်ရောက်ခဲ့ကြသည်။
အခမ်းအနားတွင် ရန်ကုန်တိုင်းဒေသကြီးငါးလုပ်ငန်းဦးစီးဌာန တိုင်းဒေသကြီးဦးစီးမှူး ဦးမြင့်ရွှေက ငါးသားပေါက်များထောက်ပံ့ပေးအပ်ခြင်းနှင့်ပတ်သက်၍ ရှင်းလင်းပြောကြားခဲ့သည်။
ဆက်လက်၍ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းနှင့် တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးတာဝန်ရှိသူများနှင့် ခရိုင်စီမံအုပ်ချုပ်ရေးအဖွဲ့ဥက္ကဋ္ဌတို့က ထန်းတပင်မြို့နယ်အတွင်း ရေကြီးနစ်မြုပ်မှုကြောင့် တစ်ဧကအောက်မှ ငါးဆယ်ဧကအထိ ပျက်စီးဆုံးရှုံးခဲ့သည့် ငါးမွေးကန်တောင်သူများထံသို့ တစ်ဧကလျှင် ငါးသားပေါက်ကောင်ရေတစ်ထောင်နှုန်းကို အခမဲ့ထောက်ပံ့ပေးအပ်ခဲ့ကြကြောင်း သိရသည်။
ဇင်မင်းထိုက်(ထန်းတပင်)
Join - https://t.me/MyanmarNationalPost
No comments:
Post a Comment