တောင်ငူမြို့နယ်၊ နေပူကုန်းကျေးရွာအုပ်စု၊ ကွင်းအမှတ် (၅၉၉-ဂ)၊ ဦးပိုင်အမှတ် (၁၆/၁) မူလပိုင်ရှင် အမည်ပေါက် ဦးရာ ၏ လယ်ယာမြေ ဧရိယာ (၁၈.၀၀)ဧက အား နေပူကုန်းကျေးရွာနေ ဥက္ကဋ္ဌ ဦးစိန်မြင့်၊ ဦးမောင်ပု (ခ) ဦးလှမြင့်၊ ဦးမောင်သိန်း တို့မှ တစ်ဧကလျှင် (၈၅၀၀၀၀ိ/)နှုန်းဖြင့် "ကောင်းမြန်မာအောင်ကုမ္ပဏီ" သို့ ရောင်းချခဲ့ပါသည်။
အထက်ဖော်ပြပါ လယ်ယာမြေ (၁၈.၀၀)ဧကမှာ ယခု တိုင်ကြားသူ ကျွန်မ ဒေါ်အေးဝင်း ၏ ဖခင် ဦးရာ မှ ပိုင်ဆိုင်သော လယ်ယာမြေဖြစ်ပါသည်။ "ကောင်းမြန်မာအောင်ကုမ္ပဏီ" သို့ စက်မှုဇုန်မြေအဖြစ် အသုံးပြုရန်အတွက် အဆိုပါ ဦးစိန်မြင့်ပါ (၃)ဦး မှ ကျွန်မတို့ မိသားစုမသိဘဲ အလွဲသုံးစားပြု ရောင်းချခဲ့ပါသည်။
ဥက္ကဋ္ဌ ဦးစိန်မြင့်ပါ (၃)ဦး သည် မူလပိုင်ရှင်အား အသိမပေးဘဲ ရောင်းချခဲ့သည့်အတွက် အလွဲသုံးစားမှု ဖြစ်ပါသည်။ ဥပဒေနှင့်အညီ ရောင်းချခဲ့ခြင်း မဟုတ်သည့်အတွက် စိစစ်ဆောင်ရွက် အရေးယူပေးပါရန် နိုင်ငံတော်အကြီးအကဲများထံ တင်ပြတိုင်ကြားအပ်ပါသည်။
ဒေါ်အေးဝင်း (ဘ) ဦးရာ
No comments:
Post a Comment