ပြည်ထောင်စုဝန်ကြီး ဦးခင်မောင်ရီ နေပြည်တော်ရှိ မျှစ်ခြောက်ထုတ်လုပ်တင်ပို့မှုလုပ်ငန်းဆောင်ရွက်နေမှု ကွင်းဆင်းကြည့်ရှုစစ်ဆေး

နေပြည်တော်၊ နိုဝင်ဘာ ၂၃

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီသည် ယမန်နေ့က နေပြည်တော် ဒက္ခိဏစက်မှုဇုန်ရှိ နရိန္ဒြာစိုက်ပျိုးရေးထွက်ကုန် တန်ဖိုးမြှင့် ထုတ်လုပ်ရေးလုပ်ငန်း၏ မျှစ်ခြောက်ထုတ်လုပ်တင်ပို့မှုအခြေအနေကို သွားရောက်ကြည့်ရှုစစ်ဆေးရာ လုပ်ငန်းတာဝန်ခံက မျှစ်ခြောက်ထုတ်လုပ်မှု လုပ်ငန်းစဉ်အဆင့်ဆင့်နှင့် ကုန်ကြမ်းရရှိမှုအခြေအနေ၊ မျှစ်ခြောက် ထွက်ကုန်များအား ဂျပန်နိုင်ငံသို့ နှစ်စဉ်တင်ပို့နေမှုအခြေအနေ၊ ဝါးစိုက်ခင်း တည်ထောင်ထားမှု အခြေအနေများနှင့်ပတ်သက်၍ ရှင်းလင်း တင်ပြသည်။

ထို့နောက် ပြည်ထောင်စုဝန်ကြီးက အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်စေရေးအတွက် နိုင်ငံတော်က အထူးအလေးပေးဆောင်ရွက်လျက်ရှိကြောင်း၊ ယခုမျှစ်ခြောက်ထုတ်လုပ်မှုလုပ်ငန်းအတွက် လိုအပ်သော ကုန်ကြမ်းများ စဉ်ဆက်မပြတ်ရရှိရေး၊ ဝါးစိုက်ခင်းများ တည်ထောင်ခြင်းနှင့်လိုအပ်သော ဝါးစိုက်ပျိုးရေးနည်းစနစ်များ ပံ့ပိုးရေးကိစ္စရပ်များနှင့် ပတ်သက်၍ ပေါင်းစပ်ညှိနှိုင်းဆောင်ရွက်ပေးသွားမည်ဖြစ်ကြောင်း ပြောကြားပြီး မျှစ်ခြောက်ထုတ်လုပ်နေမှု လုပ်ငန်းစဉ်အဆင့်ဆင့်အား လှည့်လည်ကြည့်ရှုစစ်ဆေးကြောင်း သတင်းရရှိသည်။

Join - https://t.me/MyanmarNationalPost