ရန်ကုန်၊ နိုဝင်ဘာ ၁၁
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(တောင်ပိုင်း)မြို့နယ်၊ အမှတ်၅၃ရပ်ကွက်၊ အတုလအောင်ဇေယျုံဦးဖိုးလှဘုရားဝန်းရှိ ဓမ္မဝိသုဒ္ဓိသာသနာ့ဗိမာန်တွင် မြို့နယ်စီမံအုပ်အုပ်ချုပ်ရေးအဖွဲ့မှဦးစီး၍ မြို့နယ်လုံးဆိုင်ရာ စုပေါင်းမဟာဘုံကထိန် အလှူတော်အခမ်းအနားကို ယနေ့နံနက်ပိုင်းက ကျင်းပပြုလုပ်ခဲ့ကြောင်းသိရသည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဌ ဦးသန်းနိုင်နှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာတာဝန်ရှိပုဂ္ဂိုလ်များ၊ မြို့မိမြို့ဖများ၊ ရပ်ကွက်အုပ်ချုပ်ရေးမှူးများနှင့် စေတနာရှင်ပြည်သူများ တက်ရောက်ခဲ့ကြပြီး မြို့နယ်သံဃာနာယကဥက္ကဌဆရာတော်က ကထိန်သဃန်းကပ်လှူရခြင်းနှင့်ပတ်သက်၍ တရားတော်များ ချီးမြှင့်တော်မူခဲ့ပြီး လှူတန်းမှုအစုစုအတွက် ရေစက်သွန်းချအမျှပေးဝေခဲ့ကြသည်။
ထို့နောက် ဆရာတော်သံဃာတော်များအား ဆွမ်းများဆက်ကပ်လှူတန်းကြ၍ တက်ရောက်လာကြသော ဧည့်ပရိတ်သတ်အပေါင်းအား ထမင်းဟင်းလျားများဖြင့် ကျွေးမွေးခဲ့ကြကြောင်း သတင်းရရှိပါသည်။
Join - https://t.me/MyanmarNationalPost
No comments:
Post a Comment