ရန်ကုန်၊ နိုဝင်ဘာ ၂၉
မြန်မာနိုင်ငံက လက်ရှိ ၂၀၂၄-၂၀၂၅ ဘဏ္ဍာနှစ် ဧပြီ ၁ ရက်မှ အောက်တိုဘာ ၂၅ ရက်အထိ လယ်ယာထွက်ကုန် တင်ပို့မှုများမှ အမေရိကန်ဒေါ်လာ ၂.၇ ဘီလီယံကျော် ရရှိခဲ့ကြောင်း နိုဝင်ဘာ ၂၉ ရက်ထုတ် Global New Light of Myanmar သတင်းစာတွင် ဖော်ပြထားသည်။
အဆိုပါကာလအတွင်း ပင်လယ်ရေကြောင်းတင်ပို့မှုများမှ အမေရိကန်ဒေါ်လာ ၂.၃ ဘီလီယံကျော်နှင့် နယ်စပ် ကုန်သွယ်မှုမှ အမေရိကန်ဒေါ်လာ ၄၄၀ သန်းကျော် ရရှိခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနအား ကိုးကား၍ သတင်းတွင် ဖော်ပြထားသည်။
မြန်မာနိုင်ငံ၏ လယ်ယာစိုက်ပျိုးရေးကဏ္ဍသည် နိုင်ငံစီးပွားရေး၏ အရေးပါသော အစိတ်အပိုင်းတစ်ရပ် ဖြစ်ပြီး GDP ၏ ၃၀ ရာခိုင်နှုန်းကျော် ပံ့ပိုးပေးထားကြောင်း သိရသည်။
မြန်မာနိုင်ငံသည် ပင်လယ်ရေကြောင်းနှင့် နယ်စပ်ကုန်သွယ်မှုများမှတစ်ဆင့် လယ်ယာထွက်ပစ္စည်းများ၊ တိရစ္ဆာန်ထွက်ပစ္စည်းများ၊ ရေထွက်ပစ္စည်း၊ သတ္တုတွင်းထွက်ပစ္စည်း၊ သစ်တောထွက်ပစ္စည်းနှင့် စက်မှုကုန်ချောပစ္စည်း စသည်တို့ကို တင်ပို့လျက်ရှိကြောင်း သိရသည်။
Join - https://t.me/MyanmarNationalPost
No comments:
Post a Comment