ပဲခူး ၊ နိုဝင်ဘာ ၁၉
ပဲခူးမြို့၊ အမှတ်(၃)အခြေခံပညာအထက်တန်းကျောင်း၊ YMBA ခန်းမ၌ ယနေ့နံနက်ပိုင်းက (၁၀၄)နှစ်မြောက် အမျိုးသားအောင်ပွဲနေ့အထိမ်းအမှတ်အကြို အသိပညာပေးဟောပြောပွဲ ကျင်းပပြုလုပ်သည်။
ရှေးဦးစွာ အမှတ်(၃)အခြေခံပညာအထက်တန်းကျောင်း၊ ကျောင်းအုပ်ဆရာမကြီး ဒေါ်ခင်နီလာကြည်က အဖွင့်အမှာစကားပြောကြားပြီး အမှတ်(၃)အခြေခံပညာ အထက်တန်းကျောင်း၊ ကျောင်းသူဟောင်း အမျိုးသားစာပေဆုရှင် စာရေးဆရာမ ၀တ်ရည်ခင်(ပဲခူး)က အမျိုးသားစိတ်ဓာတ်ခေါင်းစဥ်ဖြင့်လည်းကောင်း၊ အမှတ်(၃)အခြေခံပညာအထက်တန်းကျောင်း၊ ကျောင်းသားဟောင်း စာပေဆုများရှင် စာရေးဆရာဒေါက်တာမြင့်သန်းက ကျောင်းတော်ကြီးရဲ့ဂုဏ်ကို ဆက်လက်ထိန်းသိမ်းစို့ခေါင်းစဥ်ဖြင့်လည်းကောင်း အသီးသီးအသိပညာပေး ဟောပြောခဲ့ကြသည်။
ထို့နောက် အမှတ်(၃)အခြေခံပညာအထက်တန်းကျောင်း၊ ကျောင်းအုပ်ဆရာမကြီးက အသိပညာပေးဟောပြောသည့် စာရေးဆရာများအား ဂုဏ်ပြုလက်ဆောင်များ ပေးအပ်ပြီး အမျိုးသားနေ့အကြိုအထိမ်းအမှတ် စာစီစာကုံးပြိုင်ပွဲတွင် ဆုရရှိသော ကျောင်းသား/သူများအား တာဝန်ရှိသူများက ဆုများအသီးသီး ပေးအပ်ချီးမြှင့်ခဲ့ကြသည်။
အဆိုပါ အသိပညာပေးဟောပြောပွဲသို့ အမှတ်(၃)အခြေခံပညာအထက်တန်းကျောင်းမှ ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းသား/သူများ စုစုပေါင်း(၅၀၀)ဦးခန့် တက်ရောက်ခဲ့ကြကြောင်း သတင်းရရှိသည်။
သက်ဖြိုးကြိုင်
https://t.me/MyanmarNationalPost
No comments:
Post a Comment