နေပြည်တော်၊ နိုဝင်ဘာ ၆
လယ်ဝေးမြို့နယ်၊ ကူသပိတ်ရွာနေ ဦးအောင်ဝင်း ၏ လယ်ကွင်းအမှတ် ၁၈၀၅ တွင် ဖော့ဖြင့်ပြုလုပ် ထားသည့် FIX WING အမျိုးအစား မောင်းသူမဲ့ ဒရုန်း ၁ စီးအား တွေ့ရှိကြောင်း ယနေ့ ၁၂၀၀ ချိန်ခန့် သတင်းအရ လေ တပ် တပ်နယ်မှူးနှင့်အဖွဲ့တို့မှ သွားရောက် စစ်ဆေးဆောင်ရွက်ပြီး ဒရုန်းယာဉ်တွင် ပါလာသည့် အလျား ၁၂ လက္မ၊ လုံးပတ် ၄ လက်မခန့်ရှိ သံဖြင့်လုပ်ထားသော လက်လုပ်ဒရော့ဗုံးအား နေရာ၌ အန္တရာယ်ကင်းစွာဖြင့် ဖောက်ခွဲဖျက်ဆီးခဲ့ကြောင်း သိရသည်။
အကြမ်းဖက်သမားများသည် ယမန်နေ့က ဧလာလေယာဉ်ကွင်းကို ပစ်မှတ်ထား၍ FIX WING အမျိုးအစား မောင်းသူမဲ့ ဒရုန်း ၃ စီးဖြင့် တိုက်ခိုက်ရန် ကြိုးပမ်းခဲ့ရာ လုံခြုံရေးတပ်ဖွဲ့ဝင်များက ပစ်ချ ဖျက်ဆီးရှင်းလင်းခဲ့ရသည်။
Join - https://t.me/MyanmarNationalPost
No comments:
Post a Comment