ညောင်ဦး၊ နိုဝင်ဘာ ၁၅
မန္တလေးတိုင်းဒေသကြီး၊ ညောင်ဦးမြို့နယ်၊ တောပြားကျေးရွာအုပ်စု၊ တောပြားကျေးရွာတွင် လူတစ်ဦးသေနတ် ပစ်ခတ်ခံရကြောင်း သတင်းအရ သက်ဆိုင်ရာ လုံခြုံရေးတာဝန်ရှိသူများမှ အခင်းဖြစ်ကျေးရွာသို့ သွားရောက်စစ်ဆေးခဲ့ရာ ဦးကျော်မိုးအား ၁၄-၁၁-၂၀၂၄ ရက်နေ့ ၁၉:၀၀ အချိန်ခန့်တွင် အချိန်ခန့်တွင် PDF အကြမ်းဖက်သမားများက သေနတ်ဖြင့် ပစ်သတ်သွားကြောင်း သိရသည်။
ဦးကျော်မိုး၊ ၆၇ နှစ်၊ (ဘ)ဦးခင်မောင်၊ တောင်သူ၊ တောပြားကျေးရွာ၊ ညောင်ဦးမြို့နေသူ (သမဝါယမစာရေး-ငြိမ်း)အား ယာဘက်ရင်အုံ ဖောက်ဝင်ဒဏ်ရာ ၁ချက်၊ ယာ-နဖူး ဖောက်ဝင်ဒဏ်ရာ ၁ချက်တို့ဖြင့် သေဆုံးနေသည်ကို စစ်ဆေးတွေ့ရှိရပြီး အခင်းဖြစ်နေရာအနီးမှ USA 9-MM Luger စာတမ်းပါ ကျည်ခွံ ၁ခု၊9-MM Luger NRC စာတမ်းပါ ကျည်ခွံ ၂ခု၊Win 9-MM Luger စာတမ်းပါ ကျည်ခွံ ၁ခုတို့အား တွေ့ရှိခဲ့ရသည်။
ဖြစ်စဉ်နှင့်ပတ်သက်၍ စုံစမ်းရာ သေဆုံးသူသည် ၁၄-၁၁-၂၀၂၄ ရက်နေ့ ၁၉:၀၀ အချိန်ခန့်တွင် နေအိမ်၌ရှိနေစဉ် PDF အကြမ်းဖက်သမားများ ရောက်ရှိလာပြီး သေနတ်ဖြင့်ပစ်ခတ် သတ်ဖြတ်သွားခြင်းဖြစ်ကြောင်း သိရသည်။
Join - https://t.me/MyanmarNationalPost
No comments:
Post a Comment