ဒေါ်နယ်ထရမ့်၏ ကျမ်းသစ္စာကျိန်ဆိုပွဲသို့ ဇီလန်းစကီ အား ဖိတ်ကြားထားခြင်း မရှိ

အမေရိကန် ရွေးကောက်ခံသမ္မတ ဒေါ်နယ်ထရမ့်၏ ကျမ်းသစ္စာကျိန်ဆိုပွဲ အခမ်းအနားသို့ ယူကရိန်းနိုင်ငံမှ ဗလာဒီမာ ဇီလင်စကီ အား တက်ရောက်ရန် ဖိတ်ကြားခြင်း မရှိကြောင်း သမ္မတ က သတင်းထောက်များအား တနင်္လာနေ့တွင် ပြောကြားခဲ့သည်။

ပြီးခဲ့သည့်လက ဒီမိုကရက်တစ်ပြိုင်ဘက် ဟားရစ် ကို အနိုင်ရခဲ့သော ထရမ့် သည် ဇန်နဝါရီ ၂၀ ရက်တွင် အမေရိကန်၏ ၄၇ ယောက်မြောက် သမ္မတအဖြစ် ဝါရှင်တန်ဒီစီရှိ Capitol ၌ ကျမ်းသစ္စာကျိန်ဆိုပွဲ အခမ်းအနား၌ ထရန့်သည် ကျမ်းသစ္စာကျိန်ဆိုမည် ဖြစ်သည်။

တနင်္လာနေ့တွင် ထရမ့် သည် ရွေးကောက်ပွဲအနိုင်ရပြီးနောက် ၎င်း၏ ပထမဆုံး တရားဝင်သတင်းစာရှင်းလင်းပွဲကို ပြုလုပ်ခဲ့သည်။

ဇီလန်းစကီ ကို ဖိတ်ကြားခြင်း ရှိ၊ မရှိ သတင်းထောက်များက မေးမြန်းရာတွင် ထရမ့် က “မဟုတ်ဘူး၊ ကျွန်တော် သူ့ကို ဖိတ်ကြားတာ မဟုတ်ဘူး” ဟု တုံ့ပြန်ခဲ့သည်။ ဒါပေမယ့် သူက “သူလာချင်တယ်” ဟု ထပ်ပြောသည်။

ထရမ့် သည် ယခုလတွင် ပါရီတွင် ဇီလန်းစကီ နှင့် တွေ့ဆုံခဲ့ပြီး ပြင်သစ်သမ္မတ မက်ခရွန် နှင့် ယူကရိန်းအကျပ်အတည်းကို ဆွေးနွေးခဲ့သည်။ ဇီလန်းစကီ နဲ့ တွေ့ဆုံဖို့ ဝန်လေးနေတဲ့ ထရမ့် က မော်စကိုနဲ့ ကိယက်ဗ်ကြားက ရန်လိုမှုတွေ အမြန်ဆုံး အဆုံးသတ်စေလိုကြောင်း ပြောကြားခဲ့သည်။

ငြိမ်းချမ်းရေးဆွေးနွေးပွဲအတွက် လမ်းခင်းပေးနိုင်သည့် ယူကရိန်းနှင့် ရုရှားကြား အပစ်အခတ်ရပ်စဲရေး ထရမ့် ၏အဖွဲ့ က ကြိုးစားလုပ်ဆောင်နေကြောင်း NBC က ဖော်ပြခဲ့သည်။ ထရမ့် သည် လက်ရှိသမ္မတ ဘိုင်ဒင် ၏ အုပ်ချုပ်မှုကို ကြိမ်ဖန်များစွာ ပြစ်တင်ရှုတ်ချခဲ့ပြီး အိမ်ဖြူတော်တွင် ရန်လိုမှုများသည် မည်သည့်အခါမျှ ပေါ်ပေါက်လာမည်မဟုတ်ကြောင်း အခိုင်အမာ ပြောကြားခဲ့သည်။

မီဒီယာများ၏ ဖော်ပြချက်အရ ထရမ့်သည် တရုတ်သမ္မတ ရှီကျင့်ဖျင် အား ကျမ်းသစ္စာကျိန်ဆိုပွဲသို့ တက်ရောက်ရန် ဖိတ်ကြားထားသည်။ ထရမ့် ရွေးကောက်ပွဲအနိုင်ရပြီး နိုဝင်ဘာလအစောပိုင်းတွင် အဆိုပါကမ်းလှမ်းမှုကို ပြုလုပ်ခဲ့ကြောင်း သိရသည်။ သို့သော်လည်း ရှီက ဖိတ်ကြားချက်ကို လက်ခံခြင်း ရှိ၊ မရှိ မရှင်းလင်းသေးပါ။

စံနှုန်းအတိုင်း အခမ်းအနားသို့ တရုတ်သံအမတ်ကြီးနှင့် ၎င်း၏ဇနီးတို့ တက်ရောက်မည်ဟု သတင်းရင်းမြစ်များကို ကိုးကား၍ CBS က ဖော်ပြသည်။

ထရမ့်၏အဖွဲ့သည် ရှီ အပြင် ဇန်နဝါရီ ၂၀ ရက်တွင် Capitol တွင် အခြားခေါင်းဆောင်များကို ဖိတ်ခေါ်ထားသည်။ သံတမန်များကို သာမာန်အားဖြင့် ဖိတ်ကြားထားသော်လည်း ၁၈၇၄ ခုနှစ်ကတည်းက နိုင်ငံခြားရေးဌာနမှ မှတ်တမ်းများအရ အာဏာလွှဲပြောင်းရေး အခမ်းအနားသို့ မည်သည့်နိုင်ငံခေါင်းဆောင်မှ မတက်ရောက်ခဲ့ဖူးကြောင်း ဖော်ပြသည်။

Ref - RT

Join - https://t.me/MyanmarNationalPost