အမေရိကန်နိုင်ငံခြားရေးဝန်ကြီးဌာနရဲ့ ဝါဒဖြန့်ဌာနခွဲကို ပိတ်သိမ်းလိုက်ရ

ဒီဇင်ဘာ ၂၆  ( ကြာသပတေးနေ့ )

အမေရိကန်လွှတ်တော်မှာ ကြီးစိုးနေတဲ့ ရီပါပလင်ကင်ပါတီရဲ့ ရန်ပုံငွေဖြတ်တောက်မှုကြောင့် နိုင်ငံခြားရေး ဝန်ကြီးဌာနရဲ့ ဌာနခွဲတစ်ခုဖြစ်တဲ့ ကမ္ဘာလုံးဆိုင်ရာထိတွေ့မှုဗဟိုဌာန ( GEC) ကို ပိတ်သိမ်းလိုက်ရပါတယ်။ 

အဲ့ဒိအေဂျင်စီရဲ့ တာဝန်က နိုင်ငံရပ်ခြားဝါဒဖြန့်မှုနဲ့ ပြည်တွင်းသဘောထားကွဲလွဲမှုတွေကို ဆင်ဆာလုပ်ရခြင်းပဲ ဖြစ်ပါတယ်။ လာမယ့်တနင်္လာနေ့က စပြီးလုပ်ငန်းများရပ်ဆိုင်းသွားမယ်လို့လည်း အေဂျင်စီက ကြေညာထား ပါတယ်။ ၎င်းအဖွဲ့အစည်းသည် လူပေါင်း ၁၂၀ ခန့်ကို အလုပ်ခန့်ထားပြီး နှစ်စဉ်ဘတ်ဂျက် ဒေါ်လာ ၆၁ သန်း ရရှိပါတယ်။ ၂၀၁၆ ခုနှစ်တွင် စတင်တည်ထောင်ခဲ့ပြီး ၎င်း၏ဖော်ပြထားသော ရည်မှန်းချက်မှာ "နိုင်ငံခြားအစိုးရနှင့် ပြည်တွင်းမှမဟုတ်သော ဝါဒဖြန့်မှုများနှင့် မဟုတ်မမှန်လုပ်ကြံပြောဆိုမှုများကို အသိအမှတ်ပြုရန်၊ နားလည်ရန်၊ ဖော်ထုတ်ရန်နှင့် တန်ပြန်ရန်" ဖြစ်ပါတယ်။

လက်တွေ့တွင်၊ GEC သည် ၎င်း၏ကိုယ်ပိုင် ရှုပ်ထွေးသော ဝါဒဖြန့်လှုံ့ဆော်မှုများကို ဦးဆောင်ခဲ့ပါတယ်။ အေဂျင်စီက ယူကေ၊ ယူကရိန်း၊ လတ်ဗီးယား၊ အီရတ်နှင့် ဆော်ဒီအာရေးဗီးယားတို့တွင် ကလေးများအား အမေရိကန်ကိုဆန့်ကျင်ပါက အန္တရာယ်များတဲ့အကြောင်း ဇာတ်ကြောင်းများကိုသင်ကြားရန် ရည်ရွယ်တဲ့ ဗီဒီယိုဂိမ်းများဖြန့်ချိပေးမှုအား ရန်ပုံငွေ ထောက်ပံ့ပေးခဲ့ပါတယ်။

ကိုရိုနာဗိုင်းရပ်ကူးစက်ပျံ့နှံ့မှုအတွင်း GEC သည် NGO အများအပြားထံ ငွေလွှဲပို့ခဲ့ပြီး ဗိုင်းရပ်စ်နှင့် ၎င်း၏ဇာစ်မြစ်နှင့် ပတ်သက်သည့် “မမှန်မကန်သတင်းများ” ဖြန့်နေသည်ဟု ယူဆရသည့် လူမှုမီဒီယာ အကောင့်များ စာရင်းကို ပြုစုကာ ပိတ်ပင်ထားရန် သို့မဟုတ် ဖယ်ရှားပစ်ဖို့အတွက် ပလက်ဖောင်းများသို့ တင်ပြခဲ့ပါတယ်။ 

၂၀၂၃တွင် GECက ဂျော့ဆိုးရော့စ် ၏ 'Global Disinformation Initiative' နှင့် အဆက်အသွယ်ဖြတ်တောက်ခဲ့ပြီး  အေဂျင်စီသည် ဆိုးရောစ်၏ အဖွဲ့အစည်းအား ကြော်ငြာသပိတ်မှောက်မှု လုပ်ခဲ့ပါတယ် ။ X မီဒီယာ ( ယခင်တွစ်တာ) ပိုင်ရှင် Elon Musk က GEC ကို "ကျွန်ုပ်တို့၏ ဒီမိုကရေစီကို ခြိမ်းခြောက်မှု" ဟုဆိုခဲ့ပြီး  ပြီးခဲ့သောနှစ်က အေဂျင်စီအား "အမေရိကန်အစိုးရ၏ ဆင်ဆာဖြတ်တောက်မှု [နှင့်] မီဒီယာခြယ်လှယ်မှုတွင် အဆိုးရွားဆုံး ပြစ်မှုကျူးလွန်သူ" အဖြစ် ဖော်ပြခဲ့ပါတယ်။

REF - RT

Join - https://t.me/MyanmarNationalPost