ပင်းတယ , ဒီဇင်ဘာ ၂၆
ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်တွင် ၂၀၂၅ ခုနှစ်၊ ဇန်နဝါရီလ ၄ ရက်နေ့တွင် ကျရောက်မည့် (၇၇)နှစ်မြောက် လွတ်လပ်ရေးနေ့အထိမ်းအမှတ် ဘိလီယက်စနူကာ အားကစား(အကြီးတန်း) ဖိတ်ခေါ်ပြိုင်ပွဲကို ဈေးတန်းရပ်ကွက်အတွင်းရှိ “ချန်ပီယံ” ဘိလီယက်စနူကာခုံ၌ ယမန်နေ့နံနက်ပိုင်းက စတင်ကျင်းပပြုလုပ်ခဲ့ကြောင်း သိရသည်။
အဆိုပါပြိုင်ပွဲအား ပင်းတယမြို့နယ်အတွင်းရှိ ဘိလိယက်စနူကာအားကစားဝါသနာရှင် (၄၈)ဦး ဝင်ရောက်ယှဉ်ပြိုင်ကစားကြမည်ဖြစ်ပြီး ၂၀၂၄ ခုနှစ်၊ ဒီဇင်ဘာလ ၂၅ ရက်နေ့မှ ၂၀၂၅ခုနှစ်၊ ဇန်နဝါရီလ ၄ ရက်နေ့အထိ ကျင်းပပြုလုပ်ပေးသွားမည်ဖြစ်ကြောင်း၊ (အငယ်တန်း) အဆင့်ပြိုင်ပွဲတွင် တတိယနေရာနှင့် နောက်ဆုံးဗိုလ်လုပွဲကို ၂၀၂၅ခုနှစ်၊ ဇန်နဝါရီလ ၄ ရက်နေ့တွင် ဆက်လက်ယှဉ်ပြိုင်ကျင်းပသွားမည်ဖြစ်ကာ ပြိုင်ပွဲတွင် ဆုရရှိသူများအား (၇၇)နှစ်မြောက်လွတ်လပ်ရေးနေ့တွင် တံခွန်စိုက်ချန်ပီယံဆုဖလားနှင့် ဆုတံဆိပ်များ၊ ဆုကြေးငွေများ ပေးအပ်ချီးမြှင့်သွားမည်ဖြစ်ကြောင်း သိရသည်။
ရဲထက်ဦး
https://t.me/MyanmarNationalPost
No comments:
Post a Comment