အမေရိကန်ထောက်ခံထားတဲ့ ကာဒ်သူပုန်တွေ ဆီးရီးယားစစ်တပ်နဲ့ မပေါင်းရင် တိုက်မယ်တဲ့

ဒီဇင်ဘာ - ၂၅ ( ဗုဒ္ဓဟူးနေ့) 

တူရကီနဲ့ ဆီးရီးယားခေါင်းဆောင်အသစ်များက ဆီးရီးယားစစ်တပ်နှင့် တလိုတလားပူးပေါင်းခြင်းမရှိပါက အမေရိကန်ကျောထောက်နောက်ခံပြုထားတဲ့ ကာ့ဒ်တပ်ဖွဲ့များကို ထိုးစစ်ဆင်နိုင်တယ်လို့ သတင်းထွက် နေပါတယ်။  တူရကီ အန်ကာရာအစိုးရက အကြမ်းဖက်သမားတွေလို့ ရှုမြင်ထားပေမဲ့ ဆီးရီးယားမှာ လည်ပတ်နေတဲ့ ကာ့ဒ်တပ်ဖွဲ့တွေဟာ အမေရိကန်ရဲ့ အကူအညီကို နှစ်ပေါင်းများစွာ ရရှိထားတာပါ။

ဆီးရီးယားသမ္မတဟောင်း ဘာရှာအာဆတ်ကို ဖြုတ်ချပြီးနောက် ကြားဖြတ်အစိုးရသစ်တစ်ရပ် အပြည့်အဝ လည်ပတ်ပြီးပါက “အဓိကအားဖြင့် ကာဒစ်အလုပ်သမားပါတီ (PKK)နှင့် အစ္စလာမ္မစ်နိုင်ငံတော် (IS) တို့လို အကြမ်းဖက်အဖွဲ့အစည်းများ အနေနဲ့ ဆီးရီးယားစစ်တပ်နှင့်ပူးပေါင်းရင် ပူးပေါင်း၊ မပူးပေါင်းရင် လက်နက်ချရန် ” အမိန့်ထုတ်မှာပဲ ဖြစ်ပါတယ်။ 

အဘူမိုဟာမက်အယ်ဂျူလာနီလို့ လူသိများတဲ့ ဆီးရီးယား၏ တရားဝင်ခေါင်းဆောင်သစ် အာမက်ဟူစိန် အယ်ရှာရာအာ ရဲ့ အဆိုကို ကိုးကားပြီး သတင်းစာများက “PKK ရှိရာ ဒေသများတွင်  လက်နက်များ ကိုင်ဆောင်ထားသော မည်သည့်အဖွဲ့ကိုမျှ ကျွန်ုပ်တို့ လက်ခံရန် မဖြစ်နိုင်သေးပါ။ နောက်ပြီးတော့ [ကာ့ဒ်] ပြည်သူ့ကာကွယ်ရေးတပ်ဖွဲ့ (YPG) ကိုလည်း လက်မခံသေးပါ” လို့ ဖော်ပြကြပါတယ်။ 

အကယ်၍ စစ်သွေးကြွများက လိုက်နာရန် ပျက်ကွက်ပါက ဆီးရီးယားစစ်တပ်နှင့် တူရကီစစ်တပ်တို့သည် PKK နှင့် YPG တို့ကို ၎င်းတို့ထိန်းချုပ်ရာနယ်မြေများတွင် ၎င်းတို့ကို ဖယ်ရှားရန် ပူးတွဲစစ်ဆင်ရေး ပြုလုပ်လိမ့်မည်” ဟု သတင်းဌာနတွေက ပြောကြားနေပါတယ်။

ကာ့ဒ်အဖွဲ့အစည်းနှစ်ခုသည် ပုံမှန်အားဖြင့် ဆီးရီးယားမြောက်ပိုင်းရှိ တူရကီ နယ်စပ်အနီးတွင် လည်ပတ်နေပြီး အန်ကာရာနှင့် ဒမတ်စကတ်နှစ်ခုစလုံးမှ ကိုယ်ပိုင်အုပ်ချုပ်ခွင့်ကို ပိုမိုတောင်းဆိုခဲ့ကြပါတယ်။ YPG သည် ၎င်း၏ IS ဆန့်ကျင်ရေး လှုပ်ရှားမှု၏ တစ်စိတ်တစ်ပိုင်းအဖြစ် အမေရိကန်ထံမှ သိသာထင်ရှားသော စစ်ရေးအကူအညီ ကိုလည်း ရရှိခဲ့ထားပါတယ်။ 

တူရကီသည် အာဆက်လက်ထက်တွင် ဆီးရီးယားနှင့် နှစ်အတော်ကြာ ထိပ်တိုက်တွေ့နေသော်လည်း ၎င်း၏ ရာထူးမှ နုတ်ထွက်မှုသည် နှစ်နိုင်ငံဆက်ဆံရေးတွင် သိသိသာသာ ငြိမ်သက်သွားခဲ့ပါတယ်။ တနင်္ဂနွေနေ့တွင် တူရကီနိုင်ငံခြားရေးဝန်ကြီး ဟာကန်ဖိုက်ဒန် သည် ဒမက်စကတ် ၌ အယ်လ်ရှာအာ နှင့်တွေ့ဆုံခဲ့ပြီး စစ်ဘေးသင့်နိုင်ငံအတွင်း တည်ငြိမ်မှုရှိရန် လိုအပ်ကြောင်းနှင့် ဆီးရီးယားစီးပွားရေးကို ကာလရှည်ကြာ ထိခိုက်စေခဲ့သည့် နိုင်ငံတကာ ပိတ်ဆို့အရေးယူမှုများကို ရုတ်သိမ်းပေးရန် တောင်းဆိုခဲ့ကြပါတယ်။

REF - RT

Join - https://t.me/MyanmarNationalPost