ထန်းတပင်၊ ဒီဇင်ဘာ ၄
ရန်ကုန်တိုင်းဒေသကြီး၊ မှော်ဘီခရိုင်၊ ထန်းတပင်မြို့နယ်၊ ကတွယ်အုပ်စု၊ သနပ်ပင်ကျေးရွာ၊ ဓမ္မသီတဂူဘုန်းတော်ကြီးကျောင်း ဆရာတော် အရှင်သုမင်္ဂလ ကျောင်းဝင်းအတွင်း သဘာဝဘေးကာကွယ်ရန်အတွက် သစ်ပင်စိုက်ခြင်းလုပ်ငန်းအား ယနေ့ နံနက်( ၉း၀၀)အချိန်က YMBA သဘာဝဘေးအန္တရာယ်ကယ်ဆယ်ရေးအဖွဲ့နှင့် ထန်းတပင်မြို့နယ်လုံခြုံရေးတပ်ဖွဲ့ဝင်များ ပူးပေါင်း ဆောင်ရွက်ပေးခဲ့ကြသည်။
ကံ့ကော်ပင်၊ တည်ပင်၊ သြဇာပင်၊ ခရေပင်၊ ပိတောက်ပင်၊ ပိန္နဲပင်၊ မလေးရှားပင်၊ အုန်းပင်၊ ကွမ်းသီးပင် ( ၈၀ )ခန့်အား ဘုန်းတော်ကြီးကျောင်းဝန်းအတွင်းစိုက်ပျိုးပေးခဲ့ရာ အဆိုပါ သစ်ပင်စိုက်ပျိုးရာသို့ မြို့နယ်သံဃာ့နာယကဆရာတော်ဥက္ကဋ္ဌ မြို့နယ်YMBA သြဝါဒစရိယာ ဘဒ္ဒန္တသီလာစာရဆရာတော်၊ ဗုဒ္ဓဘာသာကလျာဏယုဝအသင်း YMBA မှော်ဘီခရိုင် ဒုဥက္ကဋ္ဌ ဦးကျော်ပိုင်၊ မြို့နယ်ဒုဥက္ကဋ္ဌ ဦးစိန်သောင်း၊ ဦးဇော်သိန်း-မြို့နယ် လူငယ်ကင်းထောက်တာဝန်ခံ YMBA မြို့နယ်အတွင်းရေးမှုး ဦးရန်လင်းအောင်၊ ဗုဒ္ဓဘာသာကလျာဏယုဝအသင်း YMBA အသင်းသားများ၊ သဘာဝဘေးအန္တရာယ်ကယ်ဆယ်ရေးအဖွဲ့ ဝင်များ၊ မြို့နယ် ပြည်သူ့လုံခြုံရေးနှင့်အကြမ်းဖက်တိုက်ဖျက်ရေးအဖွဲ့ ခေါင်းဆောင် ဗုဒ္ဓဘာသာကလျာဏယုဝအသင်း YMBA အမှုဆောင် ဦးကျော်ဇင်ဝင်းနှင့်အဖွဲ့များ၊ ကျေးရွာအုပ်ချုပ်ရေးမှုးဦးရွှေထိုက်နှင့် သနပ်ပင်ကျေးရွာ၊ မူလတန်းကျောင်းအုပ် ဆရာမဒေါ်သန်းသန်းဋ္ဌေးနှင့် ကျောင်းသား/ ကျောင်းသူများတို့မှ ဘုန်းတော်ကြီးကျောင်းဝန်းအတွင်း သဘာဝဘေးကာကွယ်ရန်အတွက် သစ်ပင်များစိုက်ပျိုးခဲ့ကြကြောင်း သိရှိရပါသည်။
Join - https://t.me/MyanmarNationalPost
No comments:
Post a Comment