ဇန်နဝါရီ - ၂၅ ( စနေနေ့ )
နေရာထိုင်ခင်း မလုံလောက်မှု၊ ကျန်းမာရေး စောင့်ရှောက်မှု မပေးနိုင်မှုနဲ့ အခြားခြားသော ဝန်ဆောင်မှုတွေကို မလုပ်ပေးနိုင်တော့တဲ့အတွက် ကနေဒါ အစိုးရက နိုင်ငံခြားမှ ကျောင်းလာတက်တဲ့ ကျောင်းသားဦးရေ ပမာဏကို ၂နှစ်ဆက် လျှော့ချလိုက်တယ်လို့ သိရပါတယ်။
ဒီနှစ် ၂၀၂၅ အတွက် ကျောင်းသားဦးရေ ၄၃၇၀၀၀ ကိုသာ လက်ခံတော့မှာဖြစ်ပြီး မနှစ်ကထက် ၁၀% လျှော့လိုက်တယ်လို့ သိရပါတယ်။ ကနေဒါနိုင်ငံမှာ မကြာသေးမီနှစ်များအတွင်း လူဦးရေတိုးလာမှုကြောင့် အိမ်ရာရှားပါးမှု ပိုမိုဆိုးရွားလာတဲ့အတွက်ကြောင့် နိုင်ငံတကာ ကျောင်းသားပါမစ်အသစ်ကို ၂၀၂၄ ခုနှစ်တွင် စတင်မိတ်ဆက်ခဲ့ပါတယ်။ မတ်လတွင် ရာထူးမှနုတ်ထွက်မယ်လို့ ကြေညာထားတဲ့ ဝန်ကြီးချုပ် ဂျက်စတင်ထရူဒူးက မကြာသေးမီလများအတွင်း လူဝင်မှုကြီးကြပ်ရေးအဆင့်ကို လျှော့ချရန် ကတိပြုခဲ့ပြီး ကနေဒါတွင် အသစ်ဝင်ရောက်လာသူများကို ထောက်ခံမှုနည်းပါးကြောင်း စစ်တမ်းများက ဖော်ပြခဲ့ပါတယ်။
၂၀၂၃ တုန်းက ကနေဒါနိုင်ငံမှာ နိုင်ငံခြားကျောင်းသား ၆သိန်းခွဲကို ကျောင်းတက်ခွင့်ပြုခဲ့ပြီး နိုင်ငံအတွင်း နိုင်ငံတကာကျောင်းသားဦးရေသည် တစ်သန်းကျော်အထိ စံချိန်တင်ခဲ့တယ်လို့ သိရပါတယ်။ လွန်ခဲ့သောဆယ်စုနှစ်တစ်ခုအတွင်း နိုင်ငံအတွင်းသို့ ဝင်ရောက်လာသူအရေအတွက်သည် အကြမ်းအားဖြင့် သုံးဆကျော်သွားခဲ့ပါတယ်။
လူဝင်မှုကြီးကြပ်ရေးကြောင့် အရှိန်အဟုန်ပြင်းစွာ တိုးပွားလာသည့် လူဦးရေသည် ကျန်းမာရေးစောင့်ရှောက်မှုနှင့် ပညာရေးကဲ့သို့သော ဝန်ဆောင်မှုများအပေါ် ဖိအားများဖြစ်ပေါ်လာပြီး အိမ်ရာစရိတ်များ မြင့်တက်လာ စေခဲ့ပါတယ်။ နိုင်ငံတကာ ကျောင်းသားများအတွက်လည်း ပြည်တွင်းကျောင်းသားများနှင့် နှိုင်းယှဉ်ပါက ကျူရှင်ခ သိသိသာသာ မြင့်မားနေပါတယ်။ ပြည်တွင်းမှာနေထိုင်မယ့်နေရာ ရဲ့ ထောက်ခံစာများကိုလည်း တောင်းခံထားတယ်လို့ သိရပါတယ်။
REF - News 18
#MNP #News #International #American
Join - https://t.me/MyanmarNationalPost
No comments:
Post a Comment