နေပြည်တော်၊ ဇန်နဝါရီ ၃
နေပြည်တော်၊ ဒက္ခိဏသီရိမြို့နယ်၊ အထက (၁၈)ကျောင်းတွင် ယနေ့နံနက်ပိုင်းက ပညာရေးဆုံညီပွဲတော် ကျင်းပရာ မြို့နယ်တာဝန်ရှိသူများ၊ ကျောင်းအကျိုးတော်ဆောင်များ၊ ကျောင်းသားမိဘများ တက်ရောက်ကြသည်။
အခမ်းအနားတွင် ကျောင်းအုပ်ဆရာမကြီးက ကျေးဇူးတင်စကားပြောကြားပြီး ကျောင်းအကျိုးတော်ဆောင် ဦးဂျိုးဇက်မှလည်း ကျေးဇူးတင်ဂုဏ်ပြုစကား ပြောကြားသွားသည်။
ဆက်လက်၍ ကျောင်းသား/ကျောင်းသူများက တေးသရုပ်ဖော် ကပြဖျော်ဖြေတင်ဆက်ခဲ့ကြပြီး စာစီစာကုံး၊ ကဗျာ ဆုရရှိခဲ့သည့် ကျောင်းသား/ကျောင်းသူများ၊ သင်ကြားမှု ထူးချွန်ဆုရ ဆရာ/ ဆရာမများကို ဆုများချီးမြှင့်ခဲ့ကြသည်။
အခမ်းအနားတွင် အားကစားပြိုင်ပွဲများတွင် ဆုရရှိခဲ့ကြသည့် ကျောင်းသား/ကျောင်းသူများကိုလည်း ဆုများ ပေးအပ်ချီးမြှင့်ပြီး Gread-11 ကျောင်းသား/ကျောင်းသူများ၏ တေးသရုပ်ဖော် ဖျော်ဖြေတင်ဆက်မှုအပြီးတွင် အခမ်းအနားကို ရုပ်သိမ်းခဲ့ကြသည်။
Join - https://t.me/MyanmarNationalPost
No comments:
Post a Comment