နိုင်ငံ့ဝန်ထမ်းအကြီးအမှူးများအတွက် ဥပဒေအသိပညာပြန့်ပွားရေး သင်တန်းအမှတ်စဉ်(၅)တွင် ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဥပဒေဆိုင်ရာဘာသာရပ်များ ဆွေးနွေးပို့ချ - MyanmarNationalPost

MyanmarNationalPost

News Agency

Breaking

နိုင်ငံ့ဝန်ထမ်းအကြီးအမှူးများအတွက် ဥပဒေအသိပညာပြန့်ပွားရေး သင်တန်းအမှတ်စဉ်(၅)တွင် ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဥပဒေဆိုင်ရာဘာသာရပ်များ ဆွေးနွေးပို့ချ


နေပြည်တော်၊ ဇန်နဝါရီ ၂၄

နိုင်ငံ့ဝန်ထမ်းအကြီးအမှူးများအတွက် ဥပဒေအသိပညာပြန့်ပွားရေးသင်တန်းအမှတ်စဉ်(၅)ကို ဇန်နဝါရီ ၈ ရက်မှ မတ် ၂၈ ရက်အထိ ဥပဒေရေးရာဝန်ကြီးဌာန ဥပဒေအသိပညာပြန့်ပွားရေးသင်တန်းကျောင်း၌ ဖွင့်လှစ်လျက်ရှိရာ ပြည်ထောင်စုဝန်ကြီးများ၊ အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးအဖွဲ့ဝင်များ၊ ပြည်ထောင်စုတရားလွှတ်တော်ချုပ် တရားသူကြီး၊ ပြည်ထောင်စုရာထူးဝန်အဖွဲ့ဝင်နှင့် ဥပဒေရေးရာဝန်ကြီးဌာနအောက်ရှိ ဦးစီးဌာနများမှ ညွှန်ကြားရေးမှူးချုပ်များနှင့် ဘာသာရပ်ဆိုင်ရာကျွမ်းကျင်ပညာရှင်များက သက်ဆိုင်ရာဘာသာရပ်များအလိုက် ဆွေးနွေးပို့ချလျက်ရှိသည်။

ယမန်နေ့က ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦး သည် သင်တန်းအမှတ်စဉ်(၅)တွင် ဥပဒေရေးရာဝန်ကြီးဌာန၏ ရည်မှန်းချက်တာဝန်နှင့် အကောင်အထည်ဖော် ဆောင်ရွက်မှုများ၊ ဥပဒေရေးရာဝန်ကြီး ဌာနပေါ်ပေါက်လာပုံ၊ ဝန်ကြီးရုံးနှင့် ဦးစီးဌာနလေးခုတို့၏ လုပ်ငန်းတာဝန်များ၊ မဟာဗျူဟာစီမံကိန်း(၂၀၂၅-၂၀၂၉) ပြည်သူ့အတွက် တည်ဆောက်လျက်ဥပဒေယုံကြည်ချက် (Building Legal Trust for the People) ပါ ပန်းတိုင်(၅)ရပ်၊ ပြည်ထောင်စုရှေ့နေချုပ်ဥပဒေနှင့် နည်းဥပဒေပါ ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်၏တာဝန်နှင့် လုပ်ပိုင်ခွင့်များ၊ ဥပဒေရေးရာဝန်ကြီးဌာန၏ ပြင်ဆင်ပြောင်းလဲမှုများကို ဆွေးနွေးပို့ချပြီး သင်တန်းသားများ မေးမြန်းသည့်မေးခွန်းများကို ပြန်လည်ဖြေကြားသည်။

အဆိုပါသင်တန်းသို့ ပြည်ထောင်စုအဆင့်အဖွဲ့အစည်းများ၊ ပြည်ထောင်စုဝန်ကြီးဌာနများမှ အမြဲတမ်းအတွင်းဝန်၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်နှင့် ဒုတိယပါမောက္ခချုပ် စုစုပေါင်း ၂၇ ဦး တက်ရောက်လျက်ရှိကြောင်း သိရသည်။


Join - https://t.me/MyanmarNationalPost

No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)