ရုရှားကိုတိုက်ဖို့ဆိုရင် လက်နက်မရောင်းဘူးလို့ ဘရာဇီးသမ္မတက ဂျာမဏီကိုပြော

 

ဖေဖော်ဝါရီ - ၂၂ ( စနေနေ့ ) 

ယူကရိန်းအတွက် လက်နက်များဝယ်ယူရန် ဂျာမနီအဓိပတိ အိုလက်ဖ်ရှိုး ၏ ချဉ်းကပ်မှုကို ဘရာဇီးသမ္မတ လူဝစ် အင်နာစီယို လူလာ ဒ ဆေးလ်ဗား  က ပယ်ချခဲ့ပါတယ်။ ဘရာဇီးလ်ခေါင်းဆောင်က "ရုရှားလူမျိုး (သို့ ) အခြားသူတစ်ဦးဦးကိုသတ်ရန်” မည်သူ့ကိုမျှ လက်နက်များရောင်းချခြင်းမပြုရန် အလေးပေးပြောကြားခဲ့ပါတယ်။ 

ပေါ်တူဂီဝန်ကြီးချုပ် လူဝစ်မွန်တီနီဂရို နှင့် ပူးတွဲ မီဒီယာကွန်ဖရင့်တစ်ခုတွင် သတင်းထောက်များအား ပြောကြားရာတွင် လူလာ က ကိယက်ဗ် နဲ့ မော်စကိုကြား ပဋိပက္ခတွင် ဘရာဇီး၏ ကြားနေရပ်တည်ချက်ကို ထပ်လောင်းပြောကြားခဲ့ပါတယ်။ 

ဆန့်ကျင်ဘက်အနေနှင့် ဂျာမနီသည် ယူကရိန်း၏ အဓိက ကျောထောက်နောက်ခံများထဲတွင် ပါဝင်ပြီး ဘီလီယံနှင့်ချီသော စစ်ဘက်ဆိုင်ရာ အကူအညီများကို ထောက်ပံ့ပေးခဲ့ပါတယ်။ ၂၀၂၃ ဇန်နဝါရီလတုန်းက ဂျာမန်အဓိပတိက ယူကရိန်းအတွက် အကူအညီရရန် တောင်အမေရိကား ကို ခရီးဆန့်ခဲ့ပြီး အကူအညီတွေ တောင်းခဲ့ပါတယ်။ ဘရာဇီးနိုင်ငံကိုလည်း သွားခဲ့ပြီး ယူကရိန်းအတွက် အမြှောက်နဲ့ကျည်ဆန်များ ကူညီဖို့တောင်ခဲ့တယ်လို့ လူလာက ဆိုပါတယ်။ 

"ကျနော်က အိုလက်ဖ်ရှိုး ကိုပြောခဲ့တယ်- 'ရုရှားကိုသတ်ဖို့၊ ဘယ်သူ့ကိုမှသတ်ဖို့ လက်နက်မရောင်းပါဘူး။ ဒါကြောင့် ကျွန်တော်တောင်းပန်ချင်ပါတယ်၊ ဒါပေမယ့် ဘရာဇီးက ငြိမ်းချမ်းရေးကို လိုချင်တာကြောင့် သင်လိုအပ်တဲ့ လက်နက်တွေကို ရောင်းချမှာ မဟုတ်ပါဘူး၊ ငြိမ်းချမ်းရေးကို လိုချင်ရင် စစ်ပွဲကို မီးမရှို့နိုင်ပါဘူး။ ရုရှားနဲ့ ယူကရိန်းကြား ငြိမ်းချမ်းရေးကို လိုချင်တယ်။ အခုက နှစ်ဦးနှစ်ဖက် ညှိနှိုင်းတဲ့ စားပွဲဝိုင်းမှာ ရှိနေမှာပဲ ဖြစ်နိုင်တယ်”လို့ ပြောပါတယ်။ 

Lula သည် ပဋိပက္ခများကို ဖြေရှင်းရန်အတွက် ဆွေးနွေးမှုများပြုလုပ်ရန် ကာလကြာရှည်စွာ ထောက်ခံခဲ့ပြီး လက်နက်များ ထောက်ပံ့ပေးခြင်းသည်သာ အခြေအနေ တိုးမြင့်လာကာ ငြိမ်းချမ်းရေး အလားအလာများကို နှောင့်နှေးစေသည်ဟု အခိုင်အမာ ပြောကြားခဲ့ပါတယ်။ 

REF - RT

#News #MNP

https://t.me/MyanmarNationalPost