ပေါင်မြို့နယ်၌သစ်တောထိန်းသိမ်းရေး၊‌ရေသယံဇာတထိန်းသိမ်းရေးနှင့် မီးခိုး/မြူငွေ့ လျှော့ချရေးဆိုင်ရာ အသိပညာပေး ဟောပြောပွဲပြုလုပ်

ပေါင်၊ ဖေဖော်ဝါရီ   ၁၁

မွန်ပြည်နယ်၊ပေါင်မြို့နယ်၌သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုး/မြူငွေ့ လျှော့ချရေးဆိုင်ရာ အသိပညာပေး ဟောပြောပွဲကို ယနေ့မွန်းလွဲ (၁)နာရီ က အထက ပေါင် ရွှေရတုခန်းမ၌ ပြုလုပ်ခဲ့သည်။

ရှေးဦးစွာ  ပေါင်မြို့နယ်သစ်တောဦးစီးဌာန မှတောအုပ်ကြီး ဦးဇော်လွင်ဦးက "သစ်တောထိန်းသိမ်းရေး" ခေါင်းစဉ်ဖြင့် အကျယ်တဝင့်ဟောပြောခဲ့ပြီး သထုံမြို့၊ သစ်တောဦးစီးဌာန၊ ဦးစီးအရာရှိ ဦးစိုးမင်းအောင်မှ "ရေသယံဇာတထိန်းသိမ်းရေးနှင့် မီးခိုး/မြူငွေ့လျော့ချရေးဆိုင်ရာ" ခေါင်းစဉ်ဖြင့် အသီးသီး ဆွေးနွေးဟောပြောခဲ့ကြပြီး တက်ရောက်လာကြသည့် ကျောင်းသား၊ ကျောင်းသူများမှ သိရှိလိုသည်များကို မေးမြန်းခဲ့ရာ တာဝန်ရှိသူများက  ပြန်လည်ဖြေကြား‌ပေးခဲ့သည်။

ထို့နောက် သစ်တောဦးစီးဌာနမှဟောပြောပွဲသို့ တက်ရောက်လာသည့် ဆရာ/ဆရာမများနှင့် ကျောင်းသား/ သူများအား သစ်ပင်စိုက်ပျိုးခြင်းဆိုင်ရာ အသိပညာပေးလက်ကမ်းစာစောင်များ ဖြန့်ဝေခဲ့ခြင်းများဆောင်ရွက်ခဲ့ပါကြောင်းတင်ပြအပ်ပါသည်။

မွန်မလေး 

#News #MNP 

https://t.me/MyanmarNationalPost