ရွှေပြည်သာ၊ မတ် ၂၇
ရန်ကုန်တိုင်းဒေသကြီး၊ မင်္ဂလာဒုံခရိုင်၊ရွှေ ပြည်သာမြို့နယ် အားကစားနှင့်ကာယပညာဦးစီးဌာနမှ ကြီးမှူးဖွင့်လှစ်သော နွေရာသီအားကစားသင်တန်းများဆင်းပွဲ အခမ်းအနားကို ယမန်နေ့နံနက်ပိုင်းက အမှတ်(၂)ရပ်ကွက်ရှိ မိုးလုံလေလုံအားကစားရုံ၌ ကျင်းပခဲ့ကြောင်း သိရသည်။
သင်တန်းဆင်းပွဲအခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်ဦးက သင်တန်းဆင်းအမှာစကားပြောကြားပြီး သင်တန်းသား/သူများက သရုပ်ပြသကြသည်။ ဆက်လက်၍ မြိူ့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်ဦးနှင့်အဖွဲ့ဝင်များ၊ မြို့နယ်အမျိုးသမီးရေးရာအဖွဲ့ဥက္ကဋ္ဌ ဒေါ်ယဉ်မေသွယ်နှင့်အဖွဲ့ဝင်များက သင်တန်းဆင်း ဂုဏ်ပြုကတ်များ အားပေးအပ်ခဲ့သည်။
ရွှေပြည်သာမြို့နယ်တွင် နွေရာသီအခြေခံ အားကစားနည်း(၅)မျိုးကို (၂၅-၂-၂၀၂၅)မှ(၂၆-၃-၂၀၂၅)ရက်နေ့အထိ သင်ကြားပို့ချပေးခဲ့ပြီး သင်တန်းသား/သူ(၁၀၂၅) တက်ရောက်ခဲ့ကြောင်း သိရသည်။
နေမျိုးထွန်း
https://t.me/MyanmarNationalPost
No comments:
Post a Comment