မာရဝိဇယဗုဒ္ဓရုပ်ပွားတော်မြတ်ကြီးသို့ အနယ်နယ်အရပ်ရပ်မှလာရောက်ဖူးမြော်ကြည်ညိုကြသည့် ရဟန်း၊ ရှင်လူ ဘုရားဖူးပြည်သူများအနက် ဦးရေ ၂ ဒသမ ၅ သန်းပြည့်မြောက်သည့် ဘုရားဖူးလာပြည်သူအား ဓမ္မလက်ဆောင်ပစ္စည်းများ ဂုဏ်ပြုပေးအပ်

နေပြည်တော်၊ မတ်၁၄

ပြည်ထောင်စုနယ်မြေ နေပြည်တော်၊ ဒက္ခိဏသီရိမြို့နယ်ရှိ ဗုဒ္ဓဥယျာဉ်ဝတ္ထု ကံတော်တွင် တည်ထားပူဇော်အောင်မြင်ခဲ့သည့် ကမ္ဘာပေါ်ရှိ ထိုင်တော်မူကျောက်ဆစ် ဗုဒ္ဓရုပ်ပွားတော်များအနက် ဉာဏ်တော်အမြင့်ဆုံးဖြစ်တော်မူသော မာရဝိဇယဗုဒ္ဓရုပ်ပွား တော်မြတ်ကြီးအား ရဟန်း၊ ရှင်လူအများပြည်သူများ ဖူးမြော်ကြည်ညိုနိုင်ရေးအတွက် ယခင်နှစ် ၂၀၂၃ ခုနှစ်၊ ဩဂုတ်လ ၈ ရက်နေ့မှစ၍ စတင်ခွင့်ပြုပေးခဲ့ရာ ပြည်တွင်း ပြည်ပမှ ဘုရားဖူးလာရောက်သူများဖြင့် နေ့စဉ်မပြတ် စည်ကားလျက်ရှိသည်။

ထိုသို့ မာရဝိဇယဗုဒ္ဓရုပ် ပွားတော်မြတ်ကြီးသို့ ရဟန်း၊ ရှင်လူ အများပြည်သူများ ဖူးမြော်ကြည်ညိုနိုင်ရန် စတင်ဖွင့်လှစ်ပေးခဲ့သည့် ဩဂုတ်လ ၈ ရက်နေ့မှစ၍ ဘုရားဖူး ပြည်သူအများအပြား နေ့စဉ်လာရောက်ဖူးမြော်ကြည်ညိုကြရာ ယနေ့ထိ ဘုရားဖူးလာ သူပြည်သူ ၂ ဒသမ၅ သန်းကျော်အနက်မှ ရန်ကုန်တိုင်းဒေသကြီး ၊ တောင်ဥက္ကလာပ မြို့နယ်မှ ဒေါ်သန်းသန်းဌေး သည် မိသားစုများနှင့်အတူ ဘုရားဖူးလာရောက်ရာမှ ဦးရေ  ၂ ဒသမ ၅ သန်းပြည့် ကံထူးသူတစ်ဦးဖြစ်ကြောင်း သိရှိရသည်။

အဆိုပါ မာရဝိဇယဗုဒ္ဓရုပ်ပွားတော်မြတ်ကြီးသို့ လာရောက်ဖူးမြော်ကြသူများ အနက် ဦးရေ ၂ ဒသမ ၅ သန်းပြည့်မြောက်သူအဖြစ် လာရောက်ဖူးမြော်သည့်  ရန်ကုန်တိုင်းဒေသကြီး၊ တောင်ဥက္ကလာပမြို့နယ်မှ ဒေါ်သန်းသန်းဌေးနှင့် မိသားစုများအား ဘုရားကြီးဂေါပကအဖွဲ့မှ တာဝန်ရှိသူများက ဘုရားကြီးမုခ်ဦးတွင် ကြိုဆိုနှုတ်ဆက်ကြသည်။

ထို့နောက် ဒေါ်သန်းသန်းဌေး မိသားစုသည် မာရဝိဇယဗုဒ္ဓရုပ်ပွားတော်မြတ်ကြီးနှင့် မာရဝိဇယဗုဒ္ဓဥယျာဉ်အတွင်းရှိ ကျောက်စာရုံစေတီတော်များ၊ အဂ္ဂါဓိပတိ သာသနာ့ဗိမာန်တော်၊ ဂန္ဓကုဋိတိုက်များ၊ မုစလိန္ဒကန်၊ နဂါးရုံဘုရား၊ မာရဝိဇယကျောင်းတော်၊ သုဓမ္မာဇရပ်များအား လှည့်လည်ဖူးမြော်ကြည်ညိုကြသည်။ ယင်းနောက် ယာယီရှင်းလင်းဆောင်၌ ဘုရားဂေါပကအဖွဲ့မှ တာဝန်ရှိသူတစ်ဦးက မာရဝိဇယရုပ် ပွားတော်မြတ်ကြီးနှင့် သာသနိကအဆောက်အဦများ တည်ထားကိုးကွယ်မှုဆိုင်ရာ များနှင့် ဦးရေ ၂ ဒသမ ၅ သန်းမြောက် ဘုရားဖူးပြည်သူဖြစ်လာရသည့် အကြောင်းအရင်းကို ရှင်းလင်းပြောကြားသည်။ ၎င်းနောက် ဦးဆောင်ဘုရားဒါယကာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်၏ လမ်းညွှန်မှုနှင့်အညီ ဘုရားဂေါပကအဖွဲ့မှ တာဝန်ရှိသူတစ်ဦးက ဦးရေ ၂ ဒသမ ၅ သန်းမြောက် ဘုရားဖူးပြည်သူ ဒေါ်သန်းသန်းဌေး အား ဓမ္မလက်ဆောင်အဖြစ် ဉာဏ်တော် ၉ လက်မအမြင့်ရှိသော စကျင်ကျောက်ဖြင့် ထုဆစ်ထားသည့် မာရဝိဇယဗုဒ္ဓရုပ်ပွားတော်မြတ်ကြီး ပုံတော်တူဆင်းတုတော် တစ်ဆူ၊ မာရဝိဇယဗုဒ္ဓ ရုပ်ပွားတော်မြတ်ကြီး မှန်ဘောင်သွင်း ဓာတ်ပုံတစ်ပုံ၊ မာရဝိဇယဗုဒ္ဓ ရုပ်ပွားတော်မြတ်ကြီးသမိုင်းကြောင်း စာအုပ်ကို ပေးအပ်ခဲ့ကြောင်း သိရသည်။

မာရဝိဇယရုပ်ပွားတော်မြတ်ကြီးသို့ လာရောက်ဖူးမြော်ကြသူများအနက် ဦးရေ ၂ ဒသမ ၅ သန်းပြည့်မြောက်သူ ဘုရားဖူးပြည်သူ ဒေါ်သန်းသန်းဌေးနှင့် မိသားစုဝင် များ၏ ကြည်နူးပီတိ စကားသံများကိုလည်း ယခုလို ကြားသိရပါတယ်။

ဒေါ်သန်းသန်းဌေး က "မာရဝီဇယဘုရားကြီးကို ပထမဆုံးအကြိမ်လာရောက် ဖူးမြော်ခြင်းဖြစ်ပါ တယ်။ ဖူးချင်တာလည်းကြာပါပြီး အကျိုးအကြောင်း မညီတဲ့အတွက် နေထူး နေ့မြတ်ကြီးမှာလာရောက်ဖူးမြော်ရတဲ့အတွက် အရမ်းလည်း ဝမ်းသာ ကြည်နူ မိပါတယ်။ ဒီလိုနေ့ထူးနေ့မြတ်ကြီးမှာ ထူးခြားတဲ့ ဘုရားကြီးကိုလာ ရောက် ဖူးမြော်ရတဲ့အတွက် ဝမ်းသာပီတိတွေလည်းဖြစ်မိပါတယ်။ တစ်ခါမှမမြင်ဘူး တဲ့အတွက် ဒီဘုရားကြီးရဲ့မြင်ကွင်းကိုမြင်ရတဲ့အတွက် ရင်ထဲက လှိုက်လှိက် လဲလဲကြည်ညိုမိပါတယ်။ ဒီဘုရာကြီးကိုလာရောက်ဖူးမြော်တဲ့အချိန် မထင် မှတ်ပဲနဲ့ ဘယ်ကလာတယ်မေးတော့ ရန်ကုန်ကပါဆိုပြီးတကူးတကပင့်ဖိတ် ပြီးတော့ ဘုရားရဲ့ ၂ဒသမ ၅သန်းပြည့် ကံထူးရှင်ဖြစ်တဲ့အတွက် အံအော်ပြီး ဝမ်းသာပီတိဖြစ်ပြီးထူးထူးခြားခြားလေးရင်ထဲမှာလည်းခံစားရပါတယ်။ ဒီလိုမျိုးကြုံတွေရမယ် ဒီလိုမျိုးလေး ဘုရားကိုကံစမ်းမဲရမယ်လိုမထင် ထားပါဘူး။ အခုလိုမျိုးရတဲ့အတွက် အတိုင်းမသိအရမ်းဝမ်းသာပါတယ်။ ဒါကို လာတဲ့အတွက်လည်း ကံလည်းကောင်းပါတယ်။ ဖူးမြော်ချင်တာက စပြီး ဖွင့်တဲ့ အချိန်ကစပြီးဖူးချင်တာပါ။ အခုမှကြုံကြိုက်ပြီး အခုမှပိတ်ရက်နဲ့ ကြုံကြိုက်ပြီး လာရောက်ဖူးမြော်ရတဲ့အတွက် အတိုင်းမသိ ဝမ်းသာပီတိ ဖြစ်ရ ပါတယ်ရှင်။"ဟု ပြောကြားသည်။

Join - https://t.me/MyanmarNationalPost