မော်လမြိုင်၊ မတ် ၂၄
မွန်ပြည်နယ်တွင် လူငယ်၊ လူရွယ်လေးများအနေဖြင့် အားကစားနည်းများကို အခြေခံကျနားလည်တတ်မြောက်စေရန်နှင့် မျိုးဆက်သစ်အားကစားသမားကောင်းများ ပေါ်ထွန်းစေရန်ရည်ရွယ်၍ မွန်ပြည်နယ်အားကစားနှင့် ကာယပညာကော်မတီမှ ကြီးမှူးဖွင့်လှစ်သည့် နွေရာသီအခြေခံအားကစားသင်တန်းဆင်းပွဲအခမ်းအနားကို ယမန်နေ့နံနက်ပိုင်းက မော်လမြိုင်မြို့ပြည်နယ်အားကစားခန်းမ၌ ကျင်းပပြုလုပ်ရာ ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင် ဝန်ကြီးများ၊ မွန်ပြည်နယ်အားကစားနှင့် ကာယပညာကော်မတီမှ တာဝန်ရှိသူများ၊ ဌာနဆိုင်ရာများ၊ သင်တန်းသူ၊ သင်တန်းသားများ၊ အားကစားဝါသနာရှင်များ တက်ရောက်ခဲ့သည်။
ရှေးဦးစွာ ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင်ဝန်ကြီးများက သင်တန်းသူ၊ သင်တန်းသားများမှ ကရာတေးအားကစားနည်း၊ ဂျူဒိုအားကစားနည်းနှင့် မြန်မာသိုင်းစွမ်းရည် သရုပ်ပြသနေမှုကို ကြည့်ရှုအားပေးခဲ့သည်။
ဆက်လက်၍ ပြည်နယ်ဝန်ကြီးချုပ်က နွေရာသီအခြေခံအားကစားသင်တန်းတွင် တက်ရောက်ခဲ့ကြသည့် သင်တန်းသား၊ သင်တန်းသူများအား သင်တန်းဆင်းလက်မှတ်များအားလည်းကောင်း သင်တန်းကြီးကြပ်၊ နည်းပြများအား ဂုဏ်ပြုဆုငွေများ ပေးအပ်ချီးမြှင့်ခဲ့ပြီး ပြည်နယ်ဝန်ကြီးချုပ်က သင်တန်းသူ၊ သင်တန်းသားများအား ရင်းရင်းနှီးနှီး လိုက်လံအားပေး နှုတ်ဆက်ခဲ့သည်။
အဆိုပါ နွေရာသီအခြေခံအားကစားသင်တန်းတွင် အားကစားနည်း (၁၁) မျိုးဖြင့် မတ်လ ၃ ရက်နေ့မှ မတ်လ ၂၃ ရက်နေ့အထိ အားကစားနည်းအလိုက် သင်တန်းသား/သင်တန်းသူ (၆၂၉) ဦး တက်ရောက်ခဲ့ကြောင်း သိရသည်။
စည်သူ
Join - https://t.me/MyanmarNationalPost
No comments:
Post a Comment