ရန်ကုန်၊ မတ် ၂၇
သာသနာရေးနှင့်ယဥ်ကျေးမှုဝန်ကြီးဌာန၊ သာသနာရေးဦးစီးဌာနက ကြီးမှူးကျင်းပသော ဓမ္မာစရိယနှင့် ပါဠိပထမပြန်စာမေးပွဲကို ယမန်နေ့မွန်းလွဲ (၁)နာရီမှစ၍ သန်လျင်ခရိုင် သန်လျင်မြို့ သာသနာ့ဗိမာန်တော်၌ စတင်ကျင်းပခဲ့ကြောင်း သိရသည်။
အဆိုပါ ဓမ္မာစရိယနှင့်ပါဠိပထမပြန်စာမေးပွဲအား ကြီးကြပ်ဆရာတော်များ၊ မြို့နယ်သံဃာနာယကအဖွဲ့ဥက္ကဋ္ဌနှင့် ဆရာတော်များက စာမေးပွဲအောင်မြင်စွာ ကျင်းပနိုင်ရေးအတွက် ကြီးကြပ်ဆောင်ရွက်ပေးတော်မူကြပြီး မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးစိုးတင့် နှင့်အဖွဲ့ဝင်များ၊ ဌာနဆိုင်ရာများ၊ အလှူရှင်များ ၊ ဥပထ္ထာက တက်ရောက်ကြည်ညို၍ ဆရာတော်ကြီးများနှင့် စာဖြေသံဃာတော်များအား လှူဖွယ်ပစ္စည်းများနှင့် အအေးများ ဆက်ကပ်လှူဒါန်းကြသည်။
သန်လျင်မြို့နယ်တွင်ကျင်းပလျက်ရှိသော ဓမ္မာစရိယနှင့်ပါဠိပထမပြန်စာမေးပွဲတွင် စာဖြေသံဃာတော်နှင့် သီလရှင် (၃၁)ပါးဖြေဆိုရန် စာရင်းပေးသွင်းထား ပြီးမတ် (၂၅) ရက်မှ ဧပြီ (၆) ရက်နေ့အထိ ကျင်းပသွားမည်ဖြစ်ကြောင်း သိရသည်။
ဖြိုးသီဟ
https://t.me/MyanmarNationalPost
No comments:
Post a Comment