ကျိုင်းတုံ , မတ် ၁၈
ရှမ်းပြည်နယ်(အရှေ့ပိုင်း)၊ ကျိုင်းတုံမြို့၌ ၂၀၂၅ ခုနှစ်၊ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် စည်ကားသိုက်မြိုက်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေးကို ယနေ့တွင် ခရိုင်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပခဲ့သည်။
ဦးစွာ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးနိုးဝေက ရှမ်းပြည်နယ်(အရှေ့ပိုင်း)၊ ကျိုင်းတုံမြို့၌ ၂၀၂၅ ခုနှစ်၊ မြန်မာ့ရိုးရာအတာသင်္ကြန်ပွဲတော်ကို စည်ကားသိုက်မြိုက်စွာ ကျင်းပရေးအတွက် ဗဟိုဏ္ဍပ်ကို ကျိုင်းတုံနာရီစင်ရှေ့တွင် ကျင်းပသွားမည်ဖြစ်ကြောင်း၊ ကျိုင်းတုံရိုးရာသင်္ကြန်မင်္ဂလာစည်တော်ပို့ဆောင်ပွဲ၊ ဗဟိုဏ္ဍပ်ဖွင့်ပွဲ/ပိတ်ပွဲ၊ ဇိဝိတဒါနငါးလွှတ်ပွဲ၊ သက်ကြီးဘိုးဘွားပူးဇော်ပွဲ၊ စတုဒီသာအလှူများနှင့်ပတ်သက်၍ ဆောင်ရွက်မည့် အစီအစဉ်များအား ဆွေးနွေးပြောကြားခဲ့သည်။
ထို့နောက် မြန်မာ့ရိုးရာယဉ်ကျေးမှုမဟာသင်္ကြန်ပွဲတော် စည်ကားသိုက်မြိုက်စွာ ကျင်းပနိုင်ရေး သက်ဆိုင်ရာကော်မတီအသီးသီး၊ ဌာနဆိုင်ရာများ၊ မြို့မိမြို့ဖများ၊ ရပ်ကွက်အုပ်ချုပ်ရေးမှူးများ၊ အသင်းအဖွဲ့များနှင့် တာဝန်ရှိသူများက သင်္ကြန်ကာလအတွင်း ပြည်သူများ စိတ်အေးချမ်းပျော်ရွှင်စွာ ရေကစားနိုင်ရေး၊ ဗဟိုဏ္ဍပ်တွင် အဆိုတော်များ၊ ယိမ်းအကများ၊ တိုင်းရင်းသားရိုးရာအကများ သီဆို၊ ကပြ ဖျော်ဖြေတင်ဆက်နိုင်ရေး စသည့် ဆောင်ရွက်သွားမည့် လုပ်ငန်းအစီအမံများကို ဆွေးနွေးကြရာ ခရိုင်စီမံအုပ်ချုပ်ရေးအဖွဲ့ဥက္ကဋ္ဌက လိုအပ်သည်များ ဖြည့်စွက်ဆွေးနွေးခဲ့ကြောင်း သိရသည်။
အောင်ဇင်မြင့်
https://t.me/MyanmarNationalPost
No comments:
Post a Comment