မတ် - ၂၄ ( တနင်္လာနေ့ )
DeepSeek က ၎င်း၏ ကျိုးကြောင်းဆင်ခြင်နိုင်သော AI မော်ဒယ် R1 ၏ open-source ဗားရှင်းကို စတင်ပြီးနောက် ဇန်နဝါရီလတွင် တရုတ်နှင့် အမေရိကန်ကြား AI ပြိုင်ပွဲကို အရှိန်မြှင့်ခဲ့ပါတယ်။ ၎င်း၏ အမေရိကန်ပြိုင်ဘက် ChatGPT နှင့်မတူဘဲ၊ တရုတ်ဘော့တ်သည် စာရင်းသွင်းခြင်းမရှိဘဲ လွတ်လပ်စွာရရှိနိုင်ပြီး ၎င်းသည် Apple နှင့် Google ၏စတိုးများတွင် ဒေါင်းလုဒ်အများဆုံးအက်ပ်ဖြစ်လာစေရန် ကူညီပေးခဲ့ပါတယ်။
"၂၀၂၄ ခုနှစ်တုန်းက OpenAI ရဲ့ လည်ပတ်မှုကုန်ကျစရိတ် ဒေါ်လာ ၇ ဘီလီယံလောက် ကုန်ကျခဲ့ပေမဲ့ DeepSeek ရဲ့ လည်ပတ်စရိတ်က ၎င်းရဲ့ ၂ % နဲ့ လည်ပတ်နေပါတယ်" လို့ AI တွင် နှစ် ၃၀ ကျော် အတွေ့အကြုံရှိတဲ့ စာရေးဆရာ၊ အကျိုးတူလုပ်ငန်းရှင်နှင့် နည်းပညာအမှုဆောင်တစ်ဦးဖြစ်သူ ကိုင်ဖူလီ က ကြာသပတေးနေ့ က ဘလွန်းဘာဂ် စီးပွားရေး သတင်းဌာနနဲ့ အင်တာဗျူးမှာ ပြောကြားခဲ့ပါတယ်။
လီ သည် AI နှင့် နည်းပညာများတွင် တရုတ်မှ စတင်သည့်လုပ်ငန်းများကို ပံ့ပိုးပေးရန်အတွက် အဓိကထား လုပ်ဆောင်နေတဲ့ Sinovation Ventures ကို တည်ထောင်သူဖြစ်ပြီး သမားရိုးကျ စက်မှုလုပ်ငန်းများတွင် နည်းပညာအသစ်များ ပေါင်းစပ်ကာ AI မောင်းနှင်သည့် startups များ ဖွံ့ဖြိုးတိုးတက်စေရန် အလေးပေးသည့် AI institute ကိုတည်ထောင်သူဖြစ်ပါတယ်။ Google နှင့် Apple တို့တွင် ယခင်က Microsoft Research Asia တည်ထောင်သူ ဒါရိုက်တာအဖြစ်လည်း တာဝန်ထမ်းဆောင်ခဲ့ဖူးပါတယ်။
OpenAI သည် တစ်နှစ်လျှင် ဒေါ်လာ ၈၇ ဘီလီယံ အကုန်အကျခံနေတာမို့လို့ “ဆုံးရှုံးမှုကြီးကြီးမားမား ဖြစ်စေနိုင်တယ်” လို့ Lee က သတ်မှတ်ခဲ့ပါတယ်။ DeepSeek က developer များအတွက် အခမဲ့ သို့မဟုတ် ကုန်ကျစရိတ် အနည်းငယ်ဖြင့် ကမ်းလှမ်းထားတာဖြစ်လို့ ChatGPT အနေနဲ့ ဘယ်လိုမှယှဉ်နိုင်မှာ မဟုတ်ပါဘူး။
"ဒါကြောင့် ဒီလိုကြောက်စရာကောင်းတဲ့ ပြိုင်ဘက်မျိုးကြောင့် OpenAI CEO ဆမ်အော်မန်တစ်ယောက် ကောင်းကောင်း အိပ်ပျော်နိုင်မှာ မဟုတ်ဘူးလို့ ကျွန်တော်ထင်ပါတယ်" လို့ ၎င်းက ပြောကြားခဲ့ပါတယ်။
"DeepSeek၊ Alibaba Group Holding နှင့် ByteDance တို့ ပေါင်းမိသွားပြီဖြစ်လို့ ရုတ်ပြည်တွင်းဈေးကွက်မှာ အလှုပ်အခတ်ဆုံး ရှင်သန်နိုင်မှုကို စတင်တော့မှာဖြစ်ပါတယ်။ သူတို့တွေက အကျိုးတူ ရင်းနှီးမြှုပ်နှံ မှုတွေ လုပ်နေပါပြီ။ ဒါကြောင့် အနာဂတ်ဈေးကွက်က သူတို့လက်ထဲကို ရောက်သွားနိုင်ပါတယ်" လို့ ၎င်းကခန့်မှန်းလိုက်ပါတယ်။
REF: RT
https://t.me/MyanmarNationalPost
No comments:
Post a Comment