သုံးခွ , ဧပြီ ၁၅
ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်တွင် မြန်မာ့ရိုးရာယဥ်ကျေးမှု မဟာသင်္ကြန်ပွဲနှင့် စတုဒီသာမဏ္ဍပ်ဖွင့်ပွဲကို ဧပြီ(၁၃)ရက်နေ့ မွန်းလွဲ ၃ နာရီ အချိန်က မြို့နယ်အထွေထွေအုပ်ချုပ်ရေးဦးစီးဌာနရုံးရှေ့၌ ကျင်းပပြုလုပ်ခဲ့ကြောင်းသိရသည်။
ဦးစွာမြို့နယ်စီမံအုပ်ချုပ်ရေးအဖွဲ့ခေတ္တဥက္ကဋ္ဌ ဗိုလ်မှူးလင်းမောင်သက်နှင့်အဖွဲ့ဝင်များက စတုဒီသာမဏ္ဍပ်အား ဖဲကြိုးဖြတ်ဖွင့်လှစ်ခဲ့ကြပြီး မြန်မာ့ရိုးရာအစဥ်အလာမပျက် သပြေခက်များ၊ အမွှေးနံ့သာများဖြင့် ပြည်သူများအားပက်ဖျန်း၍ ဆုမွန်ကောင်းတောင်းပေးခဲ့ကြသည်။
ထို့နောက် မြို့နယ်စီမံအုပ်ချုပ်ရေးအဖွဲ့၏ကြီးကြပ်မှုဖြင့် သုံးခွမြို့နယ်အတွင်းရှိ ဌာနဆိုင်ရာများ စုပေါင်းလှူဒါန်းသော စတုဒိသာ ရွှေရင်အေးများကို ပြည်သူများအား ကျွေးမွေးခဲ့ကြသည်။
မဟာသင်္ကြန်ပွဲနှင့် စတုဒိသာအာဟာရကျွေးမွေးခြင်း၊ဘိုး ဘွားများအားပူဇော်ကန်တော့ခြင်း၊ မြန်မာ့ရိုးရာအစဥ်အလာမပျက် ရေကစားခြင်းတို့ကို မဟာသင်္ကြန်ကာလအတွင်း နေ့စဥ်နေ့တိုင်းဆက်လက်ကျင်းပပြုလုပ်သွားမည်ဖြစ်ကြောင်းသိရသည်။
စည်သူလင်း
https://t.me/MyanmarNationalPost
No comments:
Post a Comment