မဟာအောင်မြေမြို့နယ် အားကစားကွင်းအတွင်း ယာယီ(ရွက်ဖြင်)တဲများတွင် နေထိုင်သော မိသားစုဝင် အိမ်ထောင်စု(၇၈)စုအား စားသောက်ဖွယ်ရာများ လှူဒါန်း

မဟာအောင်မြေ၊ ဧပြီ ၁၄

မန္တလေးမြို့၊ မဟာအောင်မြေမြို့နယ် အားကစားကွင်းအတွင်း ယာယီ(ရွက်ဖြင်)တဲများတွင် နေထိုင်သော မိသားစုဝင် အိမ်ထောင်စု(၇၈)စုအား ၁၂-၄-၂၀၂၅ ရက်နေ့က စားသောက်ဖွယ်ရာများ သွားရောက်လှူဒါန်းခဲ့ကြောင်း သိရသည်။

မဟာအောင်မြေမြို့နယ်၊ ဒေးဝန်းအရှေ့ရပ်ကွက်၊ အကွက်(၂၈၃)၊ ၈၆-၈၇ ကြား၊ ၃၈-၃၉ ကြားရှိ မဟာအောင်မြေမြို့နယ်၊ အားကစားကွင်းအတွင်းသို့ မန္တလေးတိုင်းဝန်ကြီးချုပ် ဦးမျိုးအောင်၊ တရုတ်ကောင်စစ်ဝန်ချုပ် မစ္စကောင်းဖျင်နှင့်အဖွဲ့၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး နေလင်းစိုး၊ လူမှုရေးရာဝန်ကြီး ဦး‌အောင်ကျော်မိုး၊ တိုင်းဒေသကြီးဥပဒေချုပ် ဦးမြင့်အောင်၊ တိုင်းဒေသကြီးစီမံအုပ်ချုပ်ရေးမှူး ဦးဝေဇင်ထွန်း၊ မန္တလေးမြိုတော်ဝန် ဦးကျော်ဆန်း၊ မန္တလေးတိုင်းဒေသကြီးရဲတပ်ဖွဲ့မှူး ရဲမှူးချုပ် ဝင်းဗိုလ်၊ မဟာအောင်မြေခရိုင်ရဲတပ်ဖွဲ့မှူး ဒုရဲမှူးကြီး ဝဏ္ဏအောင်၊ မဟာအောင်မြေခရိုင် စီမံအုပ်ချုပ်ရေးမှူး ဦးတင်ဝင်းရွှေ၊ မြို့နယ်စီမံအုပ်ချုပ်ရေးမှူး ဦးမောင်မောင်၊ တိုင်းဒေသကြီး ကြက်ခြေနီသူနာပြုအဖွဲ့ဦးစီးမှူး (ဒုတိယတန်း) ဦးအောင်ဇော်ဝင်းတို့ရောက်ရှိလာပြီး အားကစားကွင်းအတွင်း ယာယီ(ရွက်ဖြင်)တဲများတွင် နေထိုင်သော မိသားစုဝင် အိမ်ထောင်စု (၇၈)စု၊ အမျိုးသား (၁၄၁)၊ အမျိုးသမီး (၁၇၈)ဦး၊ ပေါင်း (၃၁၉)ဦးတို့အားတွေ့ဆုံ၍ အားပေးစကားများပြောကြားခြင်း၊ တရုတ်နိုင်ငံနှင့် တိုင်း‌ဒေသကြီး ကြက်ခြေ‌နီအဖွဲ့တို့မှလှူဒါန်းသည့် MAMEE ခေါက်ဆွဲခြောက်ဖာ (တစ်ဖာ၂၄ ထုပ်)ပါ ၈၀ ဖါ၊ ရေသန့်ကဒ် (၆)လုံးပါ ၈၀ ကဒ်၊ တစ်ကိုယ်ရေသုံးပစ္စည်း (အစုံ)ပါ ၈၀ ဖါ၊ ဆန် (၁၂)ပြည်ပါ ၄၀ အိတ်၊ စားဆီ (၅၀)သားဗူး ၈၀ ဗူးတို့အား ပေးအပ်လှူဒါန်းခဲ့သည်။

အောင်ဇော်မင်း

https://t.me/MyanmarNationalPost