ယူကရိန်းက အာဖရိကကို မွှေနေတာ ရပ်သင့်ပြီလို့ မာလီနိုင်ငံခြားရေးဝန်ကြီးဆို

ဧပြီ - ၁၀ ( ဗုဒ္ဓဟူးနေ့ ) 

ယူကရိန်းသည် ဆာဟေးလ် ဒေသရှိ အကြမ်းဖက်အဖွဲ့များကို ကျောထောက်နောက်ခံပေးခြင်းဖြင့် အာဖရိကတွင် မတည်မငြိမ်ဖြစ်စေသော လက်နက်ကိုင်တွေကို မွေးထုတ်နေတာကို ရပ်တန့်ဖို့ လိုပြီ ဖြစ်ကြောင်း မာလီနိုင်ငံခြားရေးဝန်ကြီး အဘ်ဒူလေယီ ဒီရော့ က ပြောကြားခဲ့ပါတယ်။  

တနင်္လာနေ့က RIA Novosti နှင့် အင်တာဗျူးတွင် ဒီရော့ က ယူကရိန်း၏ လုပ်ရပ်များသည် ဒေသတွင်း လုံခြုံရေးကို သိသိသာသာ ခြိမ်းခြောက်လာတယ်လို့ ဆိုပါတယ်။  “ယူကရိန်းနဲ့လည်း ဆက်ဆံရေး ဖြတ်တောက်ထားတဲ့ မာလီအပေါ်ကို ယူကရိန်းနိုင်ငံက ဆာဟေးလ်မှာရှိတဲ့ အကြမ်းဖက်အဖွဲ့တွေကို ထောက်ခံနေလို့  ယူကရိန်းကို အကြမ်းဖက်နိုင်ငံအဖြစ် ယူဆတယ်လို့ ပြောရမယ်” လို့ ဝန်ကြီးက ပြောကြားခဲ့ပါတယ်။ အကြမ်းဖက်လက်နက်ကိုင်တွေကြောင့် မာလီစစ်သားများနှင့် အရပ်သား အများအပြား သေဆုံးခဲ့ကြောင်း ၎င်းက ဆက်လက်ပြောပါတယ်။ 

ဝန်ကြီးက ရုရှားနှင့် ယူကရိန်းကြား ငြိမ်းချမ်းရေးနဲ့ ပတ်သက်ပြီး "ကမ္ဘာနိုင်ငံရေး နဲ့ စီးပွားရေး တည်ငြိမ်ရေးမှု အဖြစ် မြင်ပါတယ်။ ကျွန်ုပ်တို့နိုင်ငံများ၏ စီးပွားရေးအတွက်ပါ အကျိုးရှိမည်ဖြစ်ပြီး၊ ထို့ကြောင့် ကျွန်ုပ်တို့အနေဖြင့် ၎င်းကို ထောက်ခံအားပေးကြောင်း ရုရှားနှင့် ယူကရိန်းအကြား ငြိမ်းချမ်းရေးသည် ၎င်း၏လက်ရှိကြိုးပမ်းမှုများကို ဆက်လက်လုပ်ဆောင်ရန် တောင်းဆိုပါတယ်" လို့ ဆိုပါတယ်။ 

သတင်းစာ ရှင်းလင်းပွဲမှာလည်း ဒီရော့က ယူကရိန်းအပေါ် ၎င်း၏စွပ်စွဲချက်များကို ထပ်လောင်းပြောကြားခဲ့ပြီး "ယူကရိန်းသည် အကြမ်းဖက်ဝါဒကို ပံ့ပိုးကူညီသူဖြစ်ပြီး ယင်းကို ရပ်တန့်ရမည်" ဟု ကြေညာခဲ့သည်။

ပြီးခဲ့သည့် ဇူလိုင်လက လူအသေအပျောက်များသော ခြုံခိုတိုက်ခိုက်မှုတွင် အသုံးပြုသည့် သတင်းအချက်အလတ်များကို ယူကရိန်းစစ်တပ်ထောက်လှမ်းရေးက ပေးပို့ခဲ့ပြီး မာလီတပ်ဖွဲ့ဝင်များနှင့် ရုရှား Wagner အဖွဲ့မှ ဒါဇင်ပေါင်းများစွာ သေဆုံးခဲ့ကြောင်း သတင်းများက ဖော်ပြသည်။ ယူကရိန်း စစ်ထောက်လှမ်းရေး ပြောရေးဆိုခွင့်ရှိသူ အန်ဒရေး ယူဆော့ဗ် က တိုက်ခိုက်မှုမှာ ပါဝင်ပတ်သက်ကြောင်း ဝန်ခံထားပေမယ့် ဒီစွပ်စွဲချက်တွေကို ကိယက်ဗ် အစိုးရ က ငြင်းဆိုထားပါတယ်။

REF: RT

https://t.me/MyanmarNationalPost