ဧပြီ - ၂၄ ( ကြာသပတေးနေ့)
အိန္ဒိယနိုင်ငံ ဂျမူးနှင့် ကက်ရှ်မီးယားတွင် အင်္ဂါနေ့က စစ်သွေးကြွများ၏ နယ်စပ်ဖြတ်ကျော် ချေမှုန်းမှုကြောင့် အရပ်သား ၂၆ ဦး သေဆုံးခဲ့သည့်အပေါ် လက်တုံ့ပြန်သည့်အနေဖြင့် အိန္ဒိယသည် ပါကစ္စတန်နှင့် သံတမန် ဆက်ဆံရေးကို အဆင့်လျှော့ချခဲ့ပြီး လက်တုံ့ပြန်သည့် အစီအမံများစွာကို ကြေညာခဲ့ပါတယ်။
အိန္ဒိယ၀န်ကြီးချုပ် နာရင်ဒါမိုဒီ ဦးဆောင်သည့် လုံခြုံရေးဆိုင်ရာ ကက်ဘိနက်ကော်မတီ အစည်းအဝေးတွင် လက်တုံ့ပြန်သည့် အစီအမံငါးခုကို ဗုဒ္ဓဟူးနေ့က ဆုံးဖြတ်ခဲ့ပါတယ်။ ၎င်းတွင် ပါကစ္စတန်သံရုံး မှ ကာကွယ်ရေး အကြံပေး ပုဂ္ဂိုလ်များအား တရားဝင် မဟုတ်ကြောင်း ကြေငြာခြင်းနှင့် အိန္ဒိယနိုင်ငံ ရှိ ပါကစ္စတန် သံတမန် မစ်ရှင်၏ အင်အားကို လူ ၅၅ မှ ၃၀ အထိ လျှော့ချခြင်းတို့ ပါဝင်ပါတယ်။ အိန္ဒိယသည် ပါကစ္စတန်နိုင်ငံ မြို့တော်ရှိ ၎င်း၏ စစ်ဘက်ဆိုင်ရာ အကြံပေးအဖွဲ့ကို ရုတ်သိမ်းတော့မယ်လို့လည်းသိရပါတယ်။
အချို့သော ဂုဏ်သရေရှိ အမျိုးအစားများကို အထူးခရီးသွားစာရွက်စာတမ်းအဖြစ် သတ်မှတ်ပေးထားတာက လွဲပြီး ပါကစ္စတန်နိုင်ငံသားများအတွက် ဗီဇာများကို ဖျက်သိမ်းခြင်းဖြင့် တုံ့ပြန်မှုကို စတင်လိုက်ပါတယ် ။ ပါကစ္စတန်သားတွေကို တောင်အာရှဒေသ ပူးပေါင်းဆောင်ရွက်ရေးအသင်း လက်အောက်ရှိ အာဖဂန်နစ္စတန်၊ ဘင်္ဂလားဒေ့ရှ်၊ ဘူတန်၊ အိန္ဒိယ၊ မော်လဒိုက်၊ နီပေါ၊ ပါကစ္စတန်နှင့် သီရိလင်္ကာတို့ ကို သွားဖို့ ဗီဇာပိတ်ထား လိုက်ပါတယ်။
ဆွေးနွေးပွဲအပြီး မီဒီယာတွေကို ရှင်းလင်းပြောကြားရာမှာ နိုင်ငံခြားရေးဝန်ကြီး ဗစ်ခရမ်မီစရီ က ပါကစ္စတန် အထက်တန်းကော်မရှင်က ကာကွယ်ရေး၊ စစ်ရေး၊ ရေတပ်နဲ့ လေကြောင်းအကြံပေးတွေဟာ အိန္ဒိယကနေ တစ်ပတ်အတွင်း ထွက်ခွာ ရမယ်လို့ ဆိုပါတယ် ။ အိန္ဒိယတွင် လက်ရှိတာဝန်ထမ်းနေတဲ့ ပါကစ္စတန် သံတမန်များအနေနဲ့ နိုင်ငံတွင်းမှ ၄၈ နာရီ အတွင်း ထွက်ခွာရန် အမိန့်ပေးထားတယ်လို့ လည်း ဆိုပါတယ်။
အိန္ဒိယက ပါကစ္စတန်နဲ့ နှစ်နိုင်ငံကြားရှိ စစ်ဆေးရေးဂိတ်တွေကို ပိတ်ထားလိုက်ပြီဖြစ်ပါတယ်။ "တရားဝင် ထောက်ခံချက်ဖြင့် ဖြတ်ကျော်သူများ အနေနဲ့လည်း မေလ ၁ ရက်နေ့နောက်ပိုင်းမှ ပြန်လာခွင့်ရမယ်လို့ သိရပါတယ်။ ၁၉၆၀ အိန္ဒူ့မြစ် မြစ်ကြောင်းစနစ်ဆိုင်ရာ ရေခွဲဝေသုံးစွဲမှု သဘောတူညီချက်ကို ဖျက်သိမ်းခြင်း ကိုလည်း ကြေညာခဲ့ပါတယ်။
REF: RT
https://t.me/MyanmarNationalPost
No comments:
Post a Comment