မိုးကောင်း ဧပြီ ၂၉
ကချင်ပြည်နယ်အတွင်း ၂၀၂၅ ခုနှစ် တက္ကသိုလ်ဝင်စာမေးပွဲ ပြန်လည်ဖြေဆိုရန်အတွက် Grade 12 သင်ဆရာ၊ ဆရာမများအား တက္ကသိုလ်ပါမောက္ခများမှ Online Zoom ဖြင့် TOT ပြန်လည်ပို့ချခြင်းကို ယမန်နေ့နံနက်(၉)နာရီတွင် ဆောင်ရွက်လျက်ရှိရာ မိုးကောင်းမြို့နယ်မှ ဆရာ၊ ဆရာမများက မိုကောင်းခန်းမ၌ တက်ရောက်သင်ယူကြောင်း သိရသည်။
မိုးညှင်းခရိုင်အတွင်း မိုးညှင်းနှင့် ဟိုပင်မြို့မှ ဆရာ၊ ဆရာမများအတွက် အ.ထ.က(၁)မိုးညှင်းမြို့တွင်လည်းကောင်း၊ မိုးကောင်း နမ္မတီး ကားမိုင်း ပင်းဘောမြို့တို့မှ ဆရာ၊ ဆရာမများအတွက် မိုးကောင်းမြို့တော်ခန်းမတွင်လည်းကောင်း၊ ဖားကန့်မြို့မှ ဆရာ၊ ဆရာမများအတွက် အ.ထ.က(ဖားကန့်)တွင်လည်းကောင်း Zoom ဖြင့် သင်တန်းပေးခြင်းဖြစ်သည်။
အဆိုပါ TOT ပြန်လည်ပို့ချခြင်းကို ဧပြီ(၂၈)မှ မေလ(၁)ရက်နေ့ထိ ပို့ချမည်ဖြစ်ပြီး နံနက်(၉)နာရီမှ ညနေ(၄)နာရီထိ ဘာသာရပ်အလိုက် သင်ခန်းစာများ အသီးသီးပြန်လည်သင်ကြားမည်ဖြစ်ကြောင်း သိရသည်။
သန်းလွင်ဦ:
https://t.me/MyanmarNationalPost
No comments:
Post a Comment